A Dirección Xerencia do Complexo Hospitalario Xeral-Calde de Lugo, en virtude das atribucións que lle foron delegadas conforme ó establecido no apartado f do artigo 7 da Orde de 15 de setembro de 1994 (DOG nº 191, do 3 de outubro), convoca expediente de contratación polo procedemento aberto, mediante concurso, da subministración de cento cincuenta camas articuladas, mesas de noite rodantes e cadeiras de brazos para acompañantes, e oitenta colchóns.

Obxecto e orzamento: a subministración de cento cincuenta camas articuladas, mesas de noite e cadeiras de brazos para acompañantes, e oitenta colchóns, por un importe máximo de vinteoito millóns trescentas mil ptas. IVE engadido.

Prazo de entrega: os equipos obxecto do presente concurso deberán ser entregados no prazo de un mes no complexo hospitalario.

Documentos de interese para os licitadores: o prego de cláusulas administrativas particulares e demais documentación complementaria pódese solicitar no Servicio de Subministración do Complexo Hospitalario Xeral-Calde de Lugo, r/ Doutor Severo Ochoa s/n. Tfno. (982) 29 65 52 e Fax (982) 21 29 24.

Fianzas: deberá consignarse unha fianza provisional do 2% do orzamento de licitación, por un importe de 566.000 ptas. e unha fianza definitiva do 4%. As devanditas fianzas constitiuiranse segundo o disposto

nos artigos 36 e 37 da Lei 13/1995, do 18 de maio, de contratos das administracións públicas.

Clasificación: non se precisa.

Presentación de proposicións: as proposicións deberanse presentar en man, en sobres pechados e asinados polo licitador ou persoa que o represente, no rexistro do Complexo Hospitalario Xeral-Calde antes das 14 horas do vixésimo sexto día natural contado a partir do seguinte ó da publicación no DOG. Cando a proposición se envíe por correo, o licitador deberá xustifica-la data de imposición do envío na oficina de correos e anunciar ó Complexo Hospitalario Xeral-Calde a remisión da oferta mediante télex ou telegrama no mesmo día.

Apertura das proposicións: a apertura das proposicións admitidas será realizada pola mesa de contratación, reunida en acto público na sala de xuntas do Complexo Hospitalario Xeral-Calde de Lugo ás 10 horas do décimo primeiro día natural contado a partir do seguinte a aquel no que finalice o prazo de presentación de ofertas. No caso de que o devandito día coincida en sábado ou festivo, a apertura das proposicións terá lugar o día hábil seguinte.

Documentación que deberán aporta-los licitadores: os documentos que figuran no prego de cláusulas administrativas particulares.

Anuncios: os anuncios do presente concurso público serán por conta do adxudicatario do contrato.

Lugo, 9 de agosto de 1995.

Luis E. Vicente Sánchez

Director xerente do Complexo Hospitalario Xeral-Calde de Lugo

95-05856