O rector, unha vez cumpridos os trámites administrativos correspondentes, resolveu anunciar concurso público, procedemento aberto, da subministración que a continuación se indica:
Obxecto: dotación de equipamento e instalación para as cafeterías (expediente número 036/1995) que se indican:
Lote 1: E.U. de Estudios Empresariais de Vigo.
Lote 2: Facultade de Belas Artes de Pontevedra.
Lote 3: edificio da E.U. de Enxeñería Técnica e Informática de Xestión de Ourense.
Orzamento de licitación da totalidade dos lotes: 23.934.765 pesetas, IVE incluído.
Garantías: provisional, 2% do importe de licitación correspondente ó lote/s a que se concurra. Definitiva,
4% do importe de licitación correspondente ó lote/s dos que resulte adxudicatario.
Prazo de entrega: vinte días según o indicado no prego de cláusulas.
Prego de condicións: os interesados poderán consultalos, ou solicita-lo seu envío por correo ó Servicio de Xestión Económica e Contratación da Universidade de Vigo, rúa Oporto, 1-2º andar, C.P. 36201 Vigo (Pontevedra), de 9 a 14 horas de luns a venres.
Lugar de presentación: as propostas presentaranse no rexistro xeral da Universidade de Vigo, rúa Oporto, 1-planta baixa, C.P. 36201 Vigo (Pontevedra), de 9 ás 14 horas de luns a venres e de 9 ata as 13 horas ós sábados.
Prazo de presentación: o prazo límite para a recepción de ofertas, comezará o día seguinte ó da publicación deste anincio no DOG, e rematará ó décimo terceiro día natural ás 14 horas ou ás 13 horas en caso de coincidir en sábado.
Documentación que presentarán os licitadores: a especificada no prego de cláusulas administrativas.
Apertura de ofertas: terá lugar na sala de xuntas do rectorado, rúa Oporto, 1, Vigo (Pontevedra) ás once horas do segundo día hábil seguinte á data límite de presentación de propostas (no caso de cadrar en sábado terá lugar o día hábil seguinte).
Acreditación da capacidade de obrar e das condicións mínimas de solvencia económica, financeira e técnica polo licitador:
-Capacidade de obrar: acreditarase de acordo co disposto no prego de cláusulas.
-Solvencia económica e financeira: poderá acreditarse por un ou varios dos medios seguintes: informe de institucións financeiras ou, se é o caso, xustificante da existencia dun seguro de indemnización por riscos profesionais, declaración sobre a cifra global de negocios e das subministracións, servicios ou traballos realizados pola empresa no curso dos tres últimos exercicios. Tratándose de sociedades, presentación de balances ou extractos de balances se a súa publicación é obrigatoria no Estado onde estean establecidos.
-Solvencia técnica: mostras, descricións e fotografía dos productos a subministrar. Relación das principais subministracións efectuadas durante os tres últimos anos, o seu importe, datas e destino público ou privado, incorporando os correspondentes certificados das mesmas.
Información adicional: o prazo mínimo de garantía dos bens a subministrar fíxase en un ano. Non se admitirán variantes ou alternativas.
O importe desta anuncio correrá a cargo da/s empresa/s adxudicataria/s.
O rector da Universidade de Vigo
Rubricado
95-5866