Convocada a provisión, polo sistema de libre designación, de varios postos de traballo vacantes na Consellería de Pesca, Marisqueo e Acuicultura pola Orde do 22 de xuño de 1995 (DOG nº 127, do 4 de xullo e corrección de erros no DOG nº 138 do 19 de xullo) e pola Orde do 10 de xullo de 1995, (DOG nº 138, do 19 de xullo, e corrección de erros no DOG nº
140, 21 de xullo), esta consellería, no uso das facultades e atribucións conferidas pola Lei 4/1988, da función pública de Galicia, e os artigos 16 e 17 do Decreto 93/1991, do 20 de marzo, polo que se aproba o Regulamento de provisión de postos de traballo, promoción profesional e promoción interna,
RESOLVE:
Primeiro.-Adxudicarlles destino nos postos de traballo que se indican ós funcionarios que se expresan no anexo da presente orde.
Segundo.-O cesamento no actual destino dos funcionarios que obtiveron praza producirase no prazo de tres días, contados a partir do seguinte ó da publicación desta orde no Diario Oficial de Galicia.
Se na data na que debe cesar no seu destino, o funcionario desfruta dun período de licencia, vacacións ou permiso, o prazo para efectualo empezará a contar a partir do día seguinte ó da súa incorporación.
A toma de posesión da praza adxudicada deberase realizar no prazo de tres días a partir do seguinte ó do cesamento, de tratarse da mesma localidade na que actualmente presta os seus servicios o funcionario, ou no prazo de un mes, de tratarse de distinta localidade, conforme o establecido nos artigos 14 e 16 do Decreto 93/1991, do 20 de marzo (DOG nº 58, do 25 de marzo).
Terceiro.-A Xefatura de Persoal do centro no que cause baixa o funcionario, así como a daquel no que obteña praza, efectuarán, dentro do prazo sinalado no apartado anterior, as dilixencias de cesamento e toma de posesión, respectivamente; acto seguido realizaranse os trámites necesarios para a súa alta na nómina.
Cuarto.-Contra esta orde, que esgota a vía administrativa, os interesados poderán interpoñer recurso contencioso-administrativo perante o Tribunal Superior de Xustiza de Galicia, no prazo de dous meses a partir do día seguinte ó da súa publicación no Diario Oficial de Galicia, logo de comunicarlle a esta consellería a vontade de interpoñelo, segundo o prevido no artigo 110.3º da Lei 30/1992, do 26 de novembro, de réxime xurídico das administracións públicas e do procedemento administrativo común.
Santiago de Compostela, 21 de agosto de 1995.
Juan Caamaño Cebreiro
Conselleiro de Pesca, Marisqueo e Acuicultura
ANEXO
Apelidos e nome NRP Grupo Posto de traballo Código do posto Nivel Dependencia Localidade
Compostela
CompostelaFernández Pérez, Fco. José 3490886924A2060 A Subdirector xeral de relacións, planificación e Sist. de información. PE.C02.00.009.15770.001 30 Secretaría xeral Santiago de
Álvarez Romero, Enrique 3242669024A2060 A Xefe de servicio técnico xurídico. PE.C02.00.001.15770.010 28 Secretaría xeral Santiago de
Apelidos e nome NRP Grupo Posto de traballo Código do posto Nivel Dependencia Localidade
CompostelaCerviño Eiroa, Antonio 3597845968A2068 A Coordinador científico. PE.C99.40.201.36590.050 26 Centro de investigacións mariñas Corón-Vilanova Fernández Cortés, Francisco Nicolás 5143980546A2068 A Xefe de servicio de planificación e sistemas de información. PE.C02.00.009.15770.008 28 Secretaría xeral Santiago de
5274