De acordo co establecido na Orde do 23 de marzo de 1995 (Boletín Oficial del Estado do 3 de abril), pola que se convocaban axudas para a realización de visitas de estudio para especialistas de educación, dentro do marco do Programa Arión da Unión Europea, e unha vez efectuada a selección do profesorado solicitante seguindo os criterios e baremo previstos no punto cuarto desta orde, esta consellería,

RESOLVEU:

Primeiro.-Nomear candidatos titulares ós participantes relacionados no anexo I da presente orde.

Segundo.-Nomear candidatos suplentes ós participantes relacionados no anexo II da presente orde, co obxecto de prever posibles renuncias dos titulares.

Terceiro.-Os candidatos suplentes, en principio, non substituirán a ningún candidato en particular. Non obstante, procurarase en todo momento respecta-lo número de prazas concedidas a cada Comunidade Autónoma con competencias educativas plenas e que figuran no punto primeiro.3 da Orde do 23 de marzo.

Cuarto.-De acordo co establecido no punto sexto.2 da mencionada orde, a Subdirección Xeral de Cooperación Internacional remitirá as relacións dos titulares e suplentes, xunto cos seus cuestionarios de solicitude, ó Pädagogischer Austauschdienst, axencia xestora do programa a nivel comunitario, quen procederá a organiza-la composición dos grupos que tomarán parte nas diferentes visitas, segundo as prioridades indicadas polos interesados. Estes recibirán da dita axencia a correspondente notificación, unha vez realizada a súa adscrición a unha visita determinada.

Quinto.-No caso de renuncia ás citadas axudas, comunicarase esta circunstancia á subdirección xeral mencionada (Paseo del Prado, número 28-5ª planta, 28014 Madrid), nos quince días seguintes á publicación da presente orde.

As renuncias que se producisen ó longo do ano académico deberán ser comunicadas inmediatamente á Subdirección Xeral de Cooperación Internacional.

Sexto.-Contra esta disposición poderán os interesados interpoñe-los recursos previstos na lexislación vixente.

Santiago de Compostela, 20 de xuño de 1995.

Juan Piñeiro Permuy

Conselleiro de Educación e Ordenación Universitaria

ANEXO I

Titulares:

Emiliano Rivera Bandeira.

Emilio Cubera Pereira.

Mª Luz Ares Fandiño.

Amalia Lorenzo Lojo.

Francisco Lozano Varela.

Gonzalo Anaya García.

Alba Nélida Paz Framil.

ANEXO II

Suplentes:

José Víctor Ónega Carrera.

Carmen Ares Noya.

Mercedes Rodeiro Barros.

Gerardo Fentanes Rodríguez.

José Raposeiras Correa.

José Raúl Gómez Farto.

5691