Obxecto do contrato.-Ten por obxecto o presente prego a contratación polo sistema de poxa, procedemento aberto, da obra de execución de saneamento, iluminación e auga na travesía de Vea e outras, segundo proxecto redactado polo arquitecto Carlos Rosón Gasalla.
O indicado proxecto coa súa memoria, prego de condicións técnicas, medicións, orzamentos e planos, considérase parte integrante do presente prego en tanto non sexa modificado expresamente por este.
Tipo de licitación.-O orzamento de adxudicación por contrata fíxase na cantidade de trinta e catro millóns duascentas quince mil setecentas trinta (34.215.730) pesetas, á baixa.
Duración.-A duración do presente contrato fíxaxe en cinco meses, que se contarán a partir do día quince seguinte ó da notificación da adxudicación definitiva á persoa que resulte adxudicataria. Dentro deste prazo, o adxudicatario deberá realiza-la comprobación do replanteo.
Prazo de garantía.-O prazo de garantía será de un ano, contado desde a acta de recepción. Durante o prazo de garantía o contratista quedará obrigado a reparar tódolos danos que se produzan na obra por defecto nos materiais ou na execución. Dos vicios ocultos responderá o contratista, de danos e prexuízos durante o termo de 15 anos, a partir da recepción.
Fianzas.-A fianza provisional para poder presentar plicas á presente poxa fíxase no 2% do tipo de licitación, e a fianza definitiva no 4%. A fianza poderá constituírse en calquera das formas autorizadas pola lei.
A fianza provisional devolverase unha vez adxudicada a obra definitivamente ós non adxudicatarios.
Sancións.-O incumprimento do prazo sinalado para a execución das obras levará consigo as sancións establecidas no artigo 96 da Lei de contratos do Estado.
Clasificación do contratista.-Os contratistas a quen lles poida interesar optar á adxudicación das obras obxecto do presente proxecto deberán acreditar atoparse clasificados no grupo G, subgrupo 6, categoría D.
Presentación de plicas.-As plicas presentaranse na secretaría xeral deste concello das 9 ás 13 horas, durante o prazo de 26 días naturais por ser declarado urxente, contados a partir da publicación do anuncio de licitación no Diario Oficial de Galicia. De ser inhábil ou sábado o último día, trasladaríase ó seguinte primeiro día hábil.
As plicas presentaranse en dous sobres pechados, que conterán a seguinte inscrición: «Proposición para tomar parte na poxa de saneamento, iluminación e auga na travesía de Vea e outras», e ademais nun: «Documentación» e noutro: «Oferta económica».
Rematado o prazo de recepción de plicas, a mesa procederá o día seguinte hábil á apertura dos sobres da documentación nun acto público que terá lugar ás 12 horas do dito día, se fose sábado trasladaríase o acto ó primeiro día hábil seguinte.
Levarase a cabo ante a mesa constituída polo alcalde-presidente, ou concelleiro en quen delegue, o interventor de fondos e o secretario xeral da corporación, ou quen legalmente os substitúa. Comezará o acto de apertura dando coñecemento ó público do número de proposicións presentadas e nome dos licitadores, dando ocasión ós interesados para que poidan comprobar que os sobres que conteñen a documentación se atopan nas mesmas condicións en que foron entregados.
A Mesa de Contratación procederá á apertura dos sobres, reseñándose en acta a documentación.
Seguidamente, e sen a asistencia dos licitadores, procederase a cualifica-los documentos presentados.
Os que non teñan a documentación correcta non serán admitidos.
Apertura de plicas.-Oferta económica: terá lugar a continuación da cualificación da documentación.
O presidente notificará o resultado da cualificación dos documentos presentados con expresión das proposicións rexeitadas e a causa da súa inadmisión. Advertirase ós presentes que poderán interpoñer recurso no prazo de cinco días ante o órgano competente para adxudica-la poxa definitivamente.
O presidente dará opción ós licitadores admitidos para que poidan comprobar que os sobres que conteñen as ofertas económicas se atopan na mesa e nas mesmas condicións nas que foron entregados.
Acto seguido procederase á apertura da oferta económica contida nos sobres admitidos e a continuación á adxudicación provisional a aquela que resulte máis favorable a este concello.
En caso de empate, abrirase licitación verbal entre as ofertas iguais se estiveran presentes representantes das empresas con poder suficiente. Noutro caso seguiría a licitación tres días despois entre os empatados. De non comparecer ningún deles, adxudicaríase ó primeiro que presentase a plica, segundo o libro de rexistro correspondente.
Efectuada a adxudicación provisional invitarase a tódolos licitadores asistentes a que expoñan as reclamacións que coiden oportunas contra o acto celebrado, levantándose acta que será asinada pola Mesa de Contratación e os que tiveran feito reclamacións.
No prazo de cinco días desde esta acta, os licitadores reclamantes poderán formalizar por escrito a súa reclamación.
Tódalas propostas económicas serán arquivadas no seu expediente, os documentos poderán ser retirados unha vez rematado o acto licitatorio polos que non obtivesen a adxudicación, salvo os que tivesen presentado reclamacións.
Adxudicación definitiva.-Cumprido o prazo de cinco días da adxudicación provisional, o órgano competente resolverá sobre a validez ou nulidade do acto licitatorio, e, considerado válido o mesmo, adxudicarase a favor da proposición máis vantaxosa de entre as admitidas ou tamén de entre as refugadas, que deberán admitirse de acordo coa convocatoria, procedéndose seguidamente á devolución das garantías provisionais ós licitadores, agás ó adxudicatario.
O órgano competente para a adxudicación poderá aplicar, se o considera oportuno e se deran as condicións legais, a exclusión das plicas que incorresen en baixa temeraria.
Documentación.-Para se admitir á poxa será necesario presenta-la seguinte documentación:
1.-Modelo de proposición.
2.-Documentos xustificativos da personalidade. Se se trata de empresa esixirase poder debidamente declarado bastante a custa do licitador polo secretairo do concello.
3.-Documento xustificativo da clasificación da empresa.
4.-Declaración responsable de non estar incurso en prohibición de contratar, conforme os artigos 15 a 20 da Lei de contratos do Estado.
5.-Xustificante de ter constituída a fianza provisional.
6.-A que acredite atoparse ó día das obrigas tributarias e de Seguridade Social.
As empresas estranxeiras presentarán declaración de someterse ós xulgados e tribunais españois con renuncia ó foro xurisdiccional estranxeiro que lles puidera corresponder.
Toda a documentación será orixinal, non admitíndose fotocopias salvo que estean legalizadas ante notario ou compulsadas polo secretario da corporación.
Gastos.-Os gastos por anuncios, reintegros, etc. serán por conta do adxudicatario.
O contrato será administrativo, salvo que o adxudicatario desexe facelo en escritura pública sendo neste caso os gastos que se orixinen pola súa conta.
Risco e ventura.-O contrato entenderase convido a risco e ventura para o contratista.
Resolución do contrato.-Son causas de resolución do contrato as indicadas no artigo 150 da lei.
Modelo de proposición
D./Dª..., veciño/a de..., con enderezo en..., en nome propio (ou en representación de...), informado/a do anuncio para a execución das obras do proxecto de execución de saneamento, iluminación e auga en travesía de Vea e outras, estando a face-lo depósito correspondente e aceptando as responsabilidades e obrigas que impoñen as condicións sinaladas para o efecto, comprometéndose a executalas pola cantidade de... (en letra) pesetas.
(Data e sinatura do propoñente).
Os pregos de condicións íntegros están na secretaría á disposición dos interesados.
A Estrada, 17 de agosto de 1995.
O alcalde accidental
Rubricado
95-5645