Nesta delegación provincial séguese expediente sancionador número de referencia P-41/1994, contra María Isabel Fernández Fernández e a entidade Complexo Educativo, S.A., por presunta infracción da Lei 14/1985, do 23 de outubro, no que se resolveu, de conformidade co disposto no artigo 59.4º da Lei 30/1992, do 26 de decembro, de réxime xurídico das administracións públicas e do procedemento administrativo común, publica-lo acordo de iniciación e mailo prego de cargos, por resultar descoñecido o domicilio da entidade Complexo Educativo, S.A.

Acordo de apertura

O director xeral de Xustiza e Interior, por delegación do conselleiro de Xustiza, Interior e Relacións Laborais, con data do 25 de outubro de 1994 adoptou o seguinte acordo:

1. Incoar expediente sancionador, conforme o establecido na Lei 34/1987, do 26 de decembro, de potes

tade sancionadora da Administración pública en materia de xogos de sorte, envite ou azar:

-Á empresa operadora ou persoa que resulte titular da máquina.

-Ó titular do establecemento denominado O Pichón.

2. Nomear instructor e secretario do expediente a

-José María Picallo Búa e

-Clara Eugenia García Bermúdez, respectivamente.

3. Dispoñer como medida provisional o precinto e comiso da máquina denunciada tipo B, por carecer de tódalas autorizacións legalmente previstas.

Así mesmo, con data do 23 de decembro de 1994, acorda:

Nomear instructora e secretaria deste expediente sancionador, con efectos a partir desta data, a:

-María Jesús Padín García e

-Clara Eugenia García Bermúdez, respectivamente.

Prego de cargos

1. Te-la empresa Complexo Educativo, S.A. instalada no establecemento denominado Bar O Pichón, sito na rúa Santa Tegra, 67, do concello de Vigo, do que é titular Isabel Fernández Fernández, unha máquina recreativa tipo B non homologada. A devandita máquina carece de tódalas autorizacións legalmente previstas.

2. Tales feitos poderán constituír infracción moi grave tipificada no artigo 28, apartado a) da Lei 14/1985, do 23 de outubro, reguladora dos xogos e apostas de Galicia, modificada pola Lei 7/1991, do 19 de xuño de tributación sobre o xogo.

O que se comunica de acordo co artigo 7 da Lei 34/1987, do 26 de decembro, de potestade sancionadora da Administración pública en materia de xogos de sorte, envite ou azar, dispoñendo o interesado dun prazo de oito días a partir do seguinte ó da publicación desta notificación, para que poida presentar prego de descargos, no que poderá solicita-lo recibimento a proba do expediente.

Pontevedra, 7 de xullo de 1995.

María Jesús Padín García

Instructora

5031