Para os efectos previstos no artigo 28 do regulamento para a execución da Lei 13/1989, do 10 de outubro, de montes veciñais en man común, Decreto 260/1992, do 4 de setembro, e de conformidade co disposto no artigo 60.1º da Lei 30/1992, de réxime xurídico das administracións públicas e do procedemento administrativo común, faise constar que:
O Xurado Provincial de Clasificación de Montes Veciñais de Pontevedra dictou a seguinte resolución:
Na cidade de Pontevedra, sendo as dezasete horas do día vinte de xuño de mil novecentos noventa e
cinco, nos locais da delegación provincial da Consellería de Agricultura, Gandería e Montes, logo de citación para o efecto, reúnese o Xurado Provincial de Clasificación de Montes Veciñais en Man Común coa asistencia das seguintes persoas:
Presidente:
Manuel Abeledo López
Vicepresidente:
José J. Barreiro Prado
Vocais:
José L. Díez Yáñez
Luis Mª Muíños Vidueira
Serafín Quinteiro Blanco
Vocais representantes da comunidade veciñal de Areas. Ponteareas:
Silverio Cabaleiro Lorenzo
Álvaro Carrera Domínguez
Secretaria:
Ramona C. Fernández Álvarez
1.-No expediente de clasificación cumpríronse as prescricións estableidas na Lei de montes veciñais 13/1989 e o seu regulamento aprobado polo Decreto 260/1992, emitindo o correspondente informe ó Servicio Forestal, non comparecendo no expediente o Concello de Ponteareas, e ningunha outra persoa ou entidade en calidade de interesado. Solicitouse a práctica da correspondente anotación preventiva no Rexistro da Propiedade, que acordou non acceder a esta ó non estaren inscritas aquelas na citada oficina pública. Fixéronse as correspondentes publicacións e notificacións que a lei e o regulamento sinalan.
2.-Os montes obxecto do expediente son os que a continuación se describen:
Primeira parcela: Lomba do Porto.
Cabida: 2,37 ha.
Límites:
Norte: estradas de Ponteareas a Cillarga.
Sur: camiño público. Estrada de Areas a Ribadetea e fábrica.
Leste: estrada de Ponteareas a Cillarga.
Oeste: propiedade de Porto Barreiro.
Segunda parcela: Bouza Vella.
Cabida: 2,25 ha.
Límites:
Norte: propiedade de Luciano Pereira.
Sur: propiedade de herdeiros de José Ucha Bugarín, de Luis Fernández Troncoso.
Leste: propiedade de Dorinda Amil, herdeiros de Domingo Carrera, María Prego e Manuel Ucha.
Oeste: propiedade de Manuel Ucha.
Terceira parcela: Lomba.
Cabida: 5,300 m.
Límites:
Norte e leste: estrada de Cillarga e Ponteareas.
Sur: herdeiros de Modesto Covelo e outros.
3.-O relator acompañado de dous membros da Xunta Rectora da Comunidade Veciñal procedeu a visita-los montes. Despois dun detido percorrido por todos e cada un deles, e do exame do expediente, especialmente do informe emitido polo Servicio Forestal, e non existindo aportación de documentación histórica referente ás ditas parcelas de monte, das cales se pretende a clasificación, cómpre face-las seguintes consideracións:
Polo que respecta á parcela de monte denominado Lomba do Porto, non existe a máis mínima dúbida sobre o seu carácter veciñal, pois, se ben non se realizan aproveitamentos de carácter forestal, xa que existe nela un campo de fútbol, asemade unha pista de festexos, e outros residuos e restos de construccións, é evidente o seu aproveitamento e utilización polos veciños como comunal sen que obste para tal consideración a súa falta de vocación agraria como recoñece o artigo 1 da Lei e o regulamento.
De igual xeito a parcela coñecida como Bouza Vella reúne as condicións para a súa clasificación como veciñal en man común, pois, se ben existe un campo de futbol en malas condicións, o resto da superficie constitúea unha arboreda, e o seu uso e desfrute é claramente veciñal.
A parcela de monte denominada Lomba é a que ofrece maiores dificultades para a súa clasificación a favor da Comunidade de Areas, dado que se asenta, segundo a liña divisoria manifestada polos veciños, dentro dos límites da parroquia de Areas; nembargantes, cómpre facer algunhas consideracións sobre o seu aproveitamento, existindo dúbidas da súa titularidade, dado que, se ben o informe do Servicio Forestal sinala que o seu aproveitamento o realizan os veciños da parroquia lindante de Ribadetea, o certo é que na actualidade está nun estado de abandono e incluso existe bastante lixo nela. Entende, pois, o relator que non debe ser clasificada a favor de ningunha comunidade por non existir na actualidade aproveitamento ningún, nin existir documentación histórica sobre ela, e non consta-las alegacións dos veciños de Ribadetea respecto da súa titularidade.
Por todo o exposto os membros do Xurado Provincial, de maneira unánime, rexeitan a clasificación do monte nomeado Lomba e acordan a clasificación dos montes Bouza Vella e Lomba do Porto, coa descrición gráfica sinalada na planimetría que a escala 1/10.000 se incorpora á presente resolución formando parte inseparable dela e que se corresponde coa seguinte descrición:
Primeira parcela: Lomba do Porto.
Cabida: 2,37 ha.
Límites:
Norte: estrada de Ponteareas a Cillarga.
Sur: camiño público. Estrada de Areas a Ribadetea e fábrica.
Leste: estrada de Ponteareas a Cillarga.
Oeste: propiedade de Porto Barreiro.
Segunda parcela: Bouza Vella.
Cabida: 2,25 ha.
Límites:
Norte: propiedade de Luciano Pereira.
Sur: propiedade de herdeiros de José Ucha Bugarín, de Luis Fernández Troncoso.
Leste: propiedade de Dorinda Amil, herdeiros de Domingo Carrera, María Prego e Manuel Ucha.
Oeste: propiedade de Manuel Ucha.
Contra a presente resolución poderá interpoñerse recurso contencioso-administrativo no prazo de dous meses, desde a súa notificación ante a Sala do Contencioso-Administrativo do Tribunal Superior de Xustiza de Galicia, de conformidade co disposto no artigo 58 da Lei reguladora da antedita xurisdicción en relación co artigo 12 da Lei 13/1989, do Parlamento de Galicia, do 10 de outubro, de montes veciñais en man común, e o artigo 28 do seu regulamento, aprobado polo Decreto 260/1992, do 4 de setembro, modificados ambos preceptos pola Lei 30/1992, do 26 de novembro, de réxime xurídico das administracións públicas e do procedemento administrativo común.
Pontevedra, 20 de xuño de 1995.
Manuel Abeledo López
Presidente do Xurado Provincial de Clasificación de Montes Veciñais en Man Común de Pontevedra
9504193