Dentro dos programas de actividades que a Academia Galega de Seguridade ten previsto realizar no ano 1995, e conforme as funcións atribuídas pola Lei 4/1992, do 9 de abril, de creación da Academia Galega de Seguridade, anúnciase a celebración dun curso sobre Protección de Personalidades, que deberá desenvolverse conforme as seguintes bases:
Obxectivos:
O curso ten por obxectivos:
a) Coñecer e perfecciona-las técnicas aplicables na protección de personalidades.
b) Coñecer que unidades operativas interveñen nos dispositivos de protección de personalidades.
c) Coñece-los medios técnicos utilizables na protección de personalidades.
d) Coñece-los métodos de actuación de organizacións terroristas.
e) Conquerir coñecementos sobre os explosivos utilizados por organizacións terroristas e as medidas a adoptar.
f) Conquerir destrezas e habilidades no manexo de armas.
g) Coñece-las medidas e medios sanitarios aplicables en caso de urxencia médica.
Destinatarios:
O curso vai dirixido ós membros da Unidade do C.N.P. adscrita á Comunidade Autónoma de Galicia.
Inscrición:
A inscrición dos participantes será totalmente gratuíta.
Prazas:
O número de prazas que se ofertarán neste curso será de 30.
Solicitudes:
1. O persoal que desexe participar neste curso deberá presentar, cuberta a máquina ou con letra moi clara, a instancia que figura no anexo, acompañada dunha fotocopia do DNI, e do carné profesional.
2. O prazo para a presentación de instancias rematará o día 25 de setembro de 1995.
3. As instancias deberán vir asinadas polos seus xefes respectivos, e deberán enviarse á sede da Academia Galega de Seguridade: Rúa de Madrid, s/n Polí
gono das Fontiñas, 15703, Santiago de Compostela, ou ben poden entregarse en calquera dos lugares previstos no artigo 38.4 da Lei 30/1992, do 26 de novembro, do réxime xurídico das administracións públicas e do procedemento administrativo común.
Contido e duración:
O curso celebrarase en sesións de mañá e tarde.
O curso divídese en tres módulos, complementados con prácticas diversas:
-Módulo I: ÁREA DE CIENCIA E TÉCNICA POLICIAL.
-Protección.
-Terrorismo.
-Explosivos.
-Módulo II: ÁREA INSTRUMENTAL.
-Armas e tiro.
-Módulo III: ÁREA SOCIO-PROFESIONAL.
-Psicosocioloxía.
Datas:
O curso celebrarase, de luns a venres, do 2 ó 11 de outubro de 1995.
O horario será de 10:00 h. a 14:00 h. e de 16:00 h. a 20:00 horas.
Relación de admitidos:
A relación de admitidos publicarase o día 27 de setembro no taboleiro de anuncios da Academia Galega de Seguridade, ou ben poden confirma-la súa asistencia chamando ó teléfono (981) 56 34 00.
Lugar:
Academia Galega de Seguridade, sita na Rúa de Madrid s/n, no Polígono das Fontiñas en Santiago de Compostela.
Certificado de asistencia e aproveitamento:
Ó remate do curso entregaráselle un certificado de asistencia e aproveitamento a aquelas persoas que acrediten a súa participación continuada ó mesmo, non podendo supera-las faltas de asistencia un 15% do total da duración de horas lectivas do curso; unha inasistencia superior ó 15%, aínda que sexa xustificada, e a non superación das correspondentes probas de coñecementos, impedirá a expedición do certificado.
Modificacións:
A Academia Galega de Seguridade poderá modifica-lo desenvolvemento do curso para adaptalo ás necesidades da Administración e ás continxencias que poidan xurdir.
Santiago de Compostela, 28 de xullo de 1995.
Juan José Fariñas-Ferro Rodríguez
Director xeral da Academia Galega de Seguridade
9505538
