O Pleno do Concello da Coruña, en data do 20 de marzo de 1995, acorda solicitar á Consellería de Política Territorial, Obras Públicas e Vivenda a transferencia das competencias da estrada de acceso a Pocomaco, titularidade daquela.
Conforme o artigo 5 da Lei 4/1994, do 14 de setembro, de estradas de Galicia, logo de acordo das administracións afectadas, e de deliberación do Consello da Xunta de Galicia, na súa reunión do día vinteoito de xullo de mil novecentos noventa e cinco,
DISPOÑO:
Artigo primeiro.-Transfírese a titularidade do vial de acceso a Pocomaco incluído na rede dependiente da CCAA, Consellería de Política Territorial, Obras Públicas e Vivenda, p.k. 0,000-1,477 de enlace do citado polígono coa N-550; a dita transferencia faise a título gratuíto.
Artigo segundo.-A Consellería de Política Territorial, Obras Públicas e Vivenda formalizará a entrega
da estrada mediante a sinatura da correspondente acta en documento público.
Artigo terceiro.-A estrada incorpórase á relación de estradas de titularidade municipal como sinala o artigo 4 da Lei 4/1994, do 14 de setembro, de estradas de Galicia. A aprobación da dita relación farase conforme o plan de estradas.
Artigo cuarto.-Corresponden ó concello, a partir da formalización da entrega tódalas actividades de xestión, mantemento, conservación e explotación da estrada; así como o exercicio das funcións de disciplina viaria e calquera outra que puidera corresponderlle como nova Administración titular da estrada, sen prexuízo dos acordos que poida alcanzar a entidade cesionaria coa Xunta de Galicia para desempeñar estas funcións.
Disposición derradeira
A Consellería de Política Territorial, Obras Públicas e Vivenda levará a cabo os trámites necesarios para logra-la efectividade do presente decreto.
Santiago de Compostela, vinteoito de xullo de mil novecentos noventa e cinco.
Manuel Fraga Iribarne
Presidente
José Cuíña Crespo
Conselleiro de Política Territorial, Obras Públicas e Vivenda
5269