Esta Consellería de Educación e Ordenación Universitaria resolveu convocar concurso aberto número 16/1995 para o arrendamento pola modalidade de leasing de diverso material mobiliario e didáctico para institutos de formación profesional dependentes desta consellería.
1. Fianza provisional: 2% do orzamento de licitación na forma que sinala a cláusula 6.5.8ª do prego de cláusulas administrativas particulares, específico deste concurso.
2. Exposición e adquisición de pregos: estarán de manifesto na oficina de información da Consellería de Educación e Ordenación Universitaria, edificio San Caetano, Santiago de Compostela, e delegacións provinciais, durante o prazo de presentación de proposicións das 10 ás 14 horas. Para adquirir reproduccións de pregos cómpre dirixirse ó teléfono (981) 59 07 11, Rúa Nova de Abaixo, nº 19-21, Santiago de Compostela.
3. Prazo de presentación de proposicións: comezará ó día seguinte da publicación da presente disposición no Diario Oficial de Galicia e no Boletín Oficial del Estado e rematará o 25 de setembro de 1995.
4. Lugar de presentación de proposicións: rexistro xeral da Consellería de Educación e Ordenación Universitaria na forma legalmente establecida.
5. Documentación que deberán presenta-los licitadores: a sinalada no punto 6 do prego de cláusulas administrativas particulares.
6. Apertura de proposicións económicas: realizarase o día 29 de setembro a partir das 10 horas.
7. Prazo de execución: 1 mes contado desde a notificación da adxudicación.
8. Gastos de publicación: por conta dos adxudicatarios.
9. Orzamento de licitación: 1.985.695.064 ptas.
Santiago de Compostela, 28 de xullo de 1995.
P.D. (Orde 13-12-1993)
Juan José Bértolo Cadenas
Secretario xeral da Consellería de Educación e Ordenación Universitaria
95-5023