A Xerencia de Atención Primaria do Servicio Galego de Saúde en Ourense, en virtude das atribucións que lle foron delegadas conforme o establecido na orde da Consellería de Sanidade e Servicios Sociais do 15 de setembro de 1994 (DOG nº 191, do 3 de outubro), convoca o seguinte concurso público polo procedemento aberto e con carácter de urxencia para a subministración de cincuenta equipos portátiles de radio Trunking para a rede oficial de comunicacións da Xunta de Galicia.

Orzamento: 7.500.000 ptas. (IVE incluído).

Forma de adxudicación: concurso público aberto urxente.

Prazo de execución: os bens obxecto do presente concurso entregaranse no prazo de 15 días contados a partir da data de notificación da adxudicación.

Documentos de interese para os licitadores: o prego de cláusulas administrativas particulares e demais documentación complementaria estarán de manifesto e á disposición dos interesados na sede da Xerencia de Atención Primaria en Ourense, sita na rúa Avda. de Zamora, 13-3ª planta, tódolos días laborais, agás sábados, durante as horas hábiles de oficina.

Fianza provisional: os concursantes deberán acreditar na forma que se estalece no prego de cláusulas unha fianza provisional polo importe de 300.000 ptas.

Presentación de proposicións: as proposicións presentaranse en man, en sobres pechados e asinados polo licitador ou persoa que o represente, no rexistro da xerencia, antes das 14 horas do décimo cuarto día natural contado a partir do seguinte ó da publicación desta resolución no DOG, ou enviadas por correo dentro do prazo sinalado.

Cando as proposicións se envíen por correo, o licitador deberá xustifica-la data de imposicióndo envío na oficina de correos e anunciar ó órgano de contratación a remisión da oferta mediante fax (988) 38 64 51, ou telegrama no mesmo día; de recibirse a oferta pasados 5 días da data de finalización do prazo de presentación, esta non será aceptada.

Apertura de proposicións: terá lugar na sala de xuntas da Xerencia de Atención Primaria (Avda. Zamora, 13-3ª planta, de Ourense), a partir das 10 horas do sexto día natural contado desde o seguinte a aquel

en que remate o prazo de presentación de ofertas. No caso de que o dito día coincida en sábado ou festivo, a apertura terá lugar o día hábil seguinte.

Documentación a aportar: serán os documentos que figuran na clausula 9ª do prego de cláusulas administrativas particulares.

Anuncios: o pagamento dos anuncios do presente concurso público serán por conta do adxudicatario do contrato.

Ourense, 14 de xullo de 1995.

Rosendo L. Fernández Fernández

Director xerente de Atención Primaria

5467