A Dirección Xerencia do Hospital do Meixoeiro en Vigo, en virtude das atribucións que lle foron delegadas conforme o establecido na orden da consellería

de Sanidade e Servicios Sociais do 15 de setembro de 1994 (DOG do 3-10), convoca o seguinte concurso público nº 5/1995 para a contratación por vía de urxencia do pintado e tratado das fachadas do Hospital do Meixoeiro.

Obxeto e orzamento: a contratación por vía de urxencia do pintado e tratado das fachadas do Hospital do Meixoeiro por un orzamento de 18.000.000 de ptas. (dezaoito millóns de pesetas) (IVE incluído).

Prazo de execución: será de dous meses contados a partir da data de notificación da adxudicación.

O prego de cláusulas administrativas particulares e demais documentación complementaria poden ser solicitadas na Unidade de Contratación Administrativa do Hospital do Meixoeiro en Vigo, teléfono (986) 81 11 26.

Fianza provisional: 2% do orzamento de licitación (360.000 ptas.) que se constituirá segundo o disposto no artigo 36 da Lei de contratos das administracións públicas.

Fianza definitiva: os licitadores que resulten adxudicatarios deberán presentar unha fianza do 4% do orzamento de adxudicación.

Presentación e apertura de proposicións: as proposicións deberanse presentar en man, en sobres pechados, no rexistro xeral do Hospital do Meixoeiro en Vigo, antes das 14 horas do décimo terceiro día natural contado a partir do seguinte ó da publicación desta resolución no Diario Oficial de Galicia, ou por correo na forma indicada no artigo 100 do Regulamento xeral de contratos do Estado.

A apertura das proposicións admitidas realizáraa a Mesa de Contratación, reunida en acto público na sala de xuntas do Hospital do Meixoeiro en Vigo, ás 10 horas do décimo primeiro día natural contado a partir do seguinte a aquel no que finalice o prazo de presentación de ofertas; no caso de que dito día coincida en sábado ou festivo, a apertura das proposicións terá lugar o día hábil seguinte.

Documentos que deben presenta-los licitadores: os que figuran no prego de cláusulas administrativas particulares.

Anuncios: serán por conta do adxudicatario do contrato.

Vigo, 14 de xullo de 1995.

José Manuel González Álvarez

Director xerente do Hospital do Meixoeiro en Vigo

95-05499