Convocadas a provisión as prazas dos corpos docentes universitarios, que se relacionan no anexo adxunto, e dando cumprimento ó disposto no artigo 6 do Real decreto 1888/1984, do 26 de setembro (Boletín Oficial del Estado do 26 de outubro); artigo 1 do Real decreto 1427/1986, do 13 de xuño (Boletín Oficial del Estado do 11 de xullo), e artigo 17.e) do Real decreto 552/1985, do 2 de abril (Boletín Oficial del Estado do 27),
Esta secretaría xeral resolveu sinala-la celebración dos sorteos correspondentes ás prazas indicadas no citado anexo, co fin de designa-los membros das comisións que han de ser elixidos por este procedemento para o día 14 de setembro de 1995 ás dez horas, e realizaranse estes polo sistema informático aprobado pola Comisión Académica do Consello de Universidades na súa sesión do 25 de xuño de 1985, de modo secuencial, segundo a orde en que figuran relacionados no anexo citado.
Os ditos sorteos celebrararnse no Consello de Universidades (Cidade Universitaria, sen número, 28040 Madrid).
Para os efectos previstos no artigo 1 do Real decreto 1888/1984, do 26 de setembro, a partir da data da presente resolución, faranse públicas as relacións dos profesores que participarán nos sorteos no Consello de Universidades.
Das citadas relacións e no momento do sorteo serán excluídos aqueles profesores que:
-Pertenzan á mesma universidade á que corresponda a praza.
-Foran designados para formar parte da comisión titular pola universidade á que corresponda a praza.
-Sexan aspirantes e pertenzan á mesma área de coñecemento á que corresponda a praza.
As reclamacións contra as referidas relacións formularanse antes do día 9 de setembro, dirixidas á Secretaría Xeral do Consello de Universidades (Cidade Universitaria, sen número, 28040 Madrid).
Nos concursos nos que non existan suficientes profesores do corpo e área de coñecemento á que corresponda a praza, haberá que aterse ó previsto no artigo 1 do Real decreto 1427/1986, do 13 de xuño, que modifica o artigo 6.9º do Real decreto 1888/1984, do 26 de setembro.
O que lle comunico para o seu coñecemento e efectos.
Madrid, 18 de xullo de 1995.
Francisco Michavila
Secretario xeral do Consello de Universidades
Sr. Vicesecretario xeral do
Consello de Universidades
ANEXO
Concursos convocados por Resolución de 6-3-1995 (BOE do 28).
Concurso nº 1300. Nº sorteo: 28.543.
Corpo: profesores titulares de escolas universitarias.
Área de coñecemento: bioloxía animal.
Presidente titular: Tito Antonio Varela López.
Vocal secretario titular: Miguel Ángel López Peña.
Concurso nº 1301. Nº sorteo: 28.544.
Corpo: profesores titulares de escolas universitarias.
Área de coñecemento: enxeñería agroforestal.
Presidente titular: Francisco Maseda Eimil.
Vocal secretario titular: Desidero Novoa Piñeiro.
95-5346
