Visto o expediente incoado na sección de industria desta delegación provincial por petición de Barras Eléctricas Galaico-Asturianas, S.A. (BEGASA), con domicilio en r/Cidade de Viveiro, 4-1º-Lugo, no que solicita autorización e declaración de utilidade pública para o establecemento dunha instalación eléctrica de media tensión, e cumpridos os trámites regulamentarios ordenados no capítulo III do Decreto 2617/1966, sobre autorización de instalacións eléctricas, e no capítulo III do regulamento aprobado polo Decreto 2619/1966, sobre expropiación forzosa e sancións en materia de instalacións eléctricas, e conforme o disposto no Real decreto 2634/1980, do 31 de xullo, sobre transferencia de competencia da Administración

do Estado á Xunta de Galicia en materia de industria, esta delegación provincial resolveu,

Autorizar a instalación eléctrica que ten como características principais as seguintes:

Liña media tensión a 20 kV, con conductor LA-56 de 54,6 mm de sección, con apoios de formigón ou torre metálica segundo a RU-6704A, cunha lonxitude de 402 metros a L.M.T. derivación a C.T. Pulleira e 624 metros a L.M.T. derivación a C.T. Oucedo. Os centros de transformación serán de 50 kVA en Pulleira e Oucedo. Rede de baixa tensión en conductor R.Z.-95-50-25, con apoios de formigón ou grampados en fachada, para mellora do servicio eléctrico en Triabá-III fase, no concello de Castro de Rei.

Declara-la utilidade pública da instalación eléctrica que se autoriza para os efectos sinalados na Lei 10/1966, sobre expropiación forzosa e sancións en materia de instalacións eléctricas, e no seu regulamento de aplicación, do 20 de outubro de 1966.

Esta instalación non poderá entrar en servicio mentres o seu peticionario non conte coa aprobación do proxecto de execución, logo de cumpri-los trámites que se sinalan no capítulo IV do citado Decreto 2617/1966, do 20 de outubro.

Lugo, 13 de xuño de 1995.

Jesús Bendaña Suárez

Delegado provincial de Lugo

5392