Fáiselles saber a tódolos propietarios dos predios contidos no expediente de expropiación e imposición de servidumes de paso, sobre bens e dereitos afectados polas instalacións das liñas eléctricas a 15/20 kV e centros de transformación en Pedregal, Arteixo (expediente número 52233), e en Piñeiro, Cabana (expediente número 52639), dos que é beneficiaria a entidade Unión Eléctrica-Fenosa, S.A., con domicilio na rúa Fernando Macías nº 2, 15004 A Coruña, que o día 5 de setembro de 1995, ás 11 e ás 12.30 horas, respectivamente, procederase nas casas dos concellos de Arteixo e Cabana, ós pagamentos do prezo xusto, conforme as indemnizacións determinadas polo Xurado Provincial de Expropiación, advertíndolles ós interesados expropiados, os cales serán notificados individualmente, que os pagamentos se realizarán de conformidade cos artigos 48, 49 e 50 da Lei de expropiación forzosa do 16 de decembro de 1954 e 48, 49, 50 e 51 do seu Regulamento do 26 de abril de 1957.
As relacións dos predios ós que proceden os pagamentos expóñense xunto con este anuncio nos taboleiros oficiais desta delegación e dos concellos a que corresponden.
A Coruña, 4 de xullo de 1995.
Juan Ignacio Lizaur Otero
Delegado provincial da Coruña
9504189