De acordo co establecido nos artigos 2 e 3 do Decreto 441/1990, do 6 de setembro (DOG do 24 de setembro de 1990) e a orde do MOPU do 15 de febreiro (BOE do 27 de febreiro de 1990) e por proposta da Dirección Técnica de Construccións e con informe favorable do LACACE, conforme establecen os artigos 12.g e 20.a do Decreto 108/1991, do 27 de marzo (DOG do 12 de abril), a Dirección Xeral do Instituto Galego da Vivenda e Solo,

RESOLVEU:

Inscribir a favor de G.O.C., S.A. con domicilio na rúa Río Bibei, 14 baixo, 32001 Ourense a acreditación de Laboratorio de Ensaios para o Control de Calidade da Construcción concedida por Resolución do 1 de outubro de 1991 (DOG do 28 de outubro) a G.O.C, S.L. na área de:

HC, Área de control de formigón en masa, de cementos, de áridos e de auga, co número 15007HC91.

SE, Área de ensaios de laboratorio de mecánica do solo, co número 15008SE91.

ST, Área de toma de mostras inalteradas, ensaios e probas in situ de solos, co número 15009ST91.

SV, Área de solos, áridos, mesturas bituminosas e os seus materiais constituíntes de viais, co número 15010SV91.

O que se fai público para xeral coñecemento.

Santiago de Compostela, 27 de abril de 1995.

José Antonio Redondo López

Director Xeral do Instituto Galego da Vivenda e Solo

95-4948