Pola Resolución do 30 de marzo de 1995 aprobouse un gasto de 271.640.800 ptas, o prego de cláusulas administrativas particulares e apertura do procedemento de adxudicación do contrato de subministración, entrega e instalación de diverso material mobiliario, didáctico e deportivo con destino a centros de primaria e secundaria dependentes desta consellería. Expte.: 8/1995.

Anunciouse a contratación da referida subministración no Diario de las Comunidades Europeas, Diario Oficial de Galicia, Boletín Oficial del Estado, taboleiro de anuncios e prensa.

Cumpridos os trámites que en materia de contratación prevé a vixente Lei de contratos das administracións públicas, así como requisitos establecidos no prego de bases da contratación e demais lexislación vixente. Reunida a Mesa de Contratación na data de 28 de xuño de 1995, e vistas as ofertas económicas así como o cumprimento das empresas e a valoración da comisión cualificadora.

Esta consellería,

RESOLVEU:

Primeiro.-Adxudica-lo material antes mencionado da seguinte forma:

Segundo.-O prazo de entrega e instalación deste material será de un mes a contar desde a sinatura do contrato.

Terceiro.-A empresa adxudicataria deberá cumpri-las obrigas previas á formalización do correspondente contrato, esixidas na cláusula 3 do prego de cláusulas administrativas particulares.

Cuarto.-Faise pública a presente resolución para os efectos previstos no artigo 79 da Lei de contratos das administracións públicas.

Santiago de Compostela, 28 de xuño de 1995.

P.D. (Orde 13-12-1993)

Juan José Bértolo Cadenas

Secretario xeral da Consellería de Educación e Ordenación Universitaria

95-4654