Por resolución da Consellería da Presidencia e Administración Pública de 17 de abril de 1995, publicada no Diario Oficial de Galicia nº 78 do 24 do mesmo mes, convocouse concurso público para a contratación dos servicios de limpeza dos locais da Xunta de Galicia en Santiago de Compostela, así como das delegacións provinciais da Consellería da Presidencia e Administración Pública e sedes comarcais da Xunta de Galicia en Ordes, Lalín e Vilalba.
Cumpridos os trámites regulamentarios en materia de contratación administrativa e por proposta da Mesa de Contratación, constituída para o efecto, o titular desta consellería, por Resolución do 31 de maio do presente ano, acordou adxudica-los citados servicios á empresa Maconsi, S.A., por un importe total de 175.113.600 pesetas, IVE incluído.
O que se fai público para os efectos previstos no artigo 94 da Lei de contratos do Estado.
Santiago de Compostela, 23 de xuño de 1995.
P.D. (Orde 13-12-1993)
Pablo Figueroa Dorrego
Secretario xeral da Consellería da Presidencia e Administración Pública
4723