Aprobada inicialmente polo Pleno da Corporación na sesión celebrada o día 24 de maio de 1995, a revisión das normas subsidiarias municipais de planeamento de Vilanova de Arousa, redactadas por Arteplán, S.A., expóñense ó público durante o prazo de un mes. Durante este tempo poderá ser examinado por tódalas persoas que se consideren afectadas, para formularen as alegacións ou observacións que consideren pertinentes.

Así mesmo, faise pública a suspensión do outorgamento de licencias de parcelación de terreos, edificación e demolición nas zonas abranguidas nos solos aptos para urbanizar delimitados polas N.S.P. municipais de Vilanova de Arousa aprobadas pola C.P.U. o 4-1-1988 de As Rodas-Cruceiro da Barca (SAU-1), Cálago (SAU-2), Mosqueiro (SAU-3) e As Sinas (SAU-4), en Vilanova de Arousa; A Veiga (SAU-5) e O Pombal-Aguiúncho (SAU-6) na Illa de Arousa; nas áreas delimitadas polas citadas N.S.P. correspondentes ó Plan Especial de Protección da Costa e Ordenación das praias de O Terrón e A Pasaxe (PE-1) e o correspondente ó Plan Especial de Protección da Costa e Ordenación do uso das praias do Moqueiro e As Sinas (PE-2); así como o Plan Especial de Protección do Núcleo Histórico de Vilanova (PE-3), ademais daquelas áreas do termo municipal das que as novas determinacións supoñan modificación do réxime urbanístico vixente (N.S.P. aprobadas pola C.P.U. o 4-1-1988).

Ós efectos de cómputo de prazos, entenderáse aberto o período de exposición pública a partir do último dos edictos que se publiquen no BOP ou no DOG.

O que se fai público ó abeiro do disposto no R.D.L. 1/1992, de 26 de xuño, polo que se aproba o texto refundido da Lei sobre réxime de solo e ordenación urbana.

Vilanova de Arousa, 27 de xuño de 1995.

Gonzalo Durán Hermida

Alcalde

Novos números de teléfono do Diario Oficial de Galicia

Teléfonos: 544268 - 544270

Fax: 544272 - 544273