Para os efectos previstos no artigo 9 do Decreto 2617/1966 e no artigo 10 do Decreto 2619/1966, ámbolos dous do 20 de outubro, sométese a información pública a petición de autorización e declaración de utilidade pública dunha instalación eléctrica que ten por características principais as seguintes:

Peticionario: Barras Eléctricas Galaico-Asturianas, S.L. (BEGASA), r/ Cidade de Viveiro, 4-1º, Lugo.

Situación: reelectrificación de Riocobo (Begonte).

Finalidade: mellora da subministración eléctrica na zona.

Características principais: liña de media tensión a 20 kV, con conductores LA-30 e unha lonxitude de 70 metros, desde o entronque ata o centro de transformación. Centro de transformación de 10 kVA, tipo intemperie. Rede de baixa tensión con conductores LC-28 e unha lonxitude de 390 metros, para mellora da subministración eléctrica no lugar de Riocobo, no concello de Begonte.

Procedencia dos materiais: nacional.

Orzamento: 1.386.714 ptas.

O que se fai público para que poida ser examinado o proxecto da instalación nesta delegación provincial, rúa Pascual Veiga, 12-14, e formulárenselle as reclamacións, por duplicado, que se consideren oportunas, no prazo de trinta días, contados a partir do seguinte ó da publicación desta resolución.

Lugo, 16 de maio de 1995.

Jesús Bendaña Suárez

Delegado provincial de Lugo

95-4405