Visto o expediente incoado nesta delegación provincial por instancia de Barras Eléctricas Galaico-Asturianas, S.A. (BEGASA), con domicilio en rúa Cidade de Viveiro, 4-1º, Lugo, en solicitude de autorización para instalar L.M.T. e C.T., para edificio Avda. Casiano Moreno-San Bartolo (Barreiros), e cumpridos os trámites de información pública que determina o artigo 9 do Decreto 2617/1966, do 20 de outubro, sen que se presentase oposición nin obxección ningunha á citada solicitude.
O delegado provincial, de conformidade co Decreto 1634/1980, artigo 14, e co 2617/1966, artigo 11, así como coas demais disposicións vixentes, resolveu:
Autorizar a Barras Eléctricas Galaico-Asturianas, S.A. (BEGASA), a instalación de liña de media tensión aérea a 20 kV, cunha lonxitude de 80 metros, dobre circuíto, realizada con conductor LA-56. Liña de media tensión subterránea de 20 kV, cunha lonxitude de 316 metros, dobre circuito, realizada con conductor D.H.V. 15/25 kV de 1x95 mm Al, desde o derradeiro
apoio ata o C.T. proxectado. Centro de transformación de 630 kVA, 20.000±5% 380-220 V, para dar servicio eléctrico ó edificio de Teodoro Moreda Fernández na Avda. Casiano Moreno en San Bartolo, concello de Barreiros.
Esta autorización non supón a aprobación do proxecto.
Lugo, 31 de maio 1995.
Jesús Bendaña Suárez
Delegado provincial de Lugo
4991