A Dirección Provincial do Servicio Galego de Saúde da Coruña, en virtude das atribucións que lle foron delegadas conforme o establecido na Orde do 15-9-1994 do conselleiro de Sanidade e Servicios Sociais, sobre delegación de competencias en órganos centrais e periféricos do Sergas, convoca o seguinte concurso público:
Obxecto e orzamento: a adquisición de material de anestesia, por un orzamento de trece millóns novecentas oitenta e cinco mil cincocentas pesetas (13.985.500 ptas.), IVE engadido.
Prazo de execución: os bens obxecto do presente concurso público entregaranse no prazo especificado no anexo de condicións especiais e no prego de cláusulas administrativas particulares contados a partir da data de notificación da adxudicación.
Documentos de interese para os licitadores: o prego de cláusulas administrativas particulares e demais documentación complementaria poderán ser solicitados no Servicio de Xestión Económica e Investimentos, da Dirección Provincial do Servicio Galego de Saúde, r/ Durán Loriga, 3-4ª andar, 15003 A Coruña, en días laborais desde as nove horas ata as 14 horas, ou ó teléfono 18 56 00 e fax 18 56 78.
Fianzas: provisional previa, equivalente ó 2% do orzamento de licitación do lote ou lotes ós que se presente o ofertante. Unha vez adxudicados deberán constituír unha fianza definitiva do 4% do orzamento de licitación dos lotes que lle foron adxudicados. Estas fianzas constituiranse segundo o disposto no artigo 112 da Lei de contratos do Estado e 340 do seu regulamento.
Clasificación: non se esixe.
Presentación de proposicións: as proposicións presentaranse en man, en sobres pechados e asinados polo licitador ou persoa que o represente, no rexistro xeral da Dirección Provincial do Sergas, sito en r/ Durán Loriga, 3-4º andar, 15003 A Coruña, antes das 14 horas do vixésimo día hábil, contado a partir do seguinte ó da publicación desta resolución no Diario Oficial de Galicia, ou por correo na forma indicada no artigo 100 do Regulamento xeral de contratos do Estado.
Apertura de proposicións: a apertura das proposicións admitidas realizaraa a Mesa de Contratación, reunida en acto público na Sala de Xuntas da Dirección Provincial do Sergas, sita en r/ Durán Loriga, 3-4º andar, A Coruña, ás 10 horas do décimo primeiro día natural contado a partir do seguinte a aquel no que remate o prazo de presentación de ofertas; no caso de que o mencionado día coincida en sábado ou festivo, a apertura das proposicións terá lugar o día hábil seguinte.
Documentación que deberán achega-los licitadores: os documentos que figuran no prego de cláusulas administrativas particulares.
Anuncios: os anuncios do presente concurso público serán por conta do adxudicatario do contrato.
A Coruña, 27 de xuño de 1995.
Antonio V. Martínez Calvo
Director provincial do Servicio Galego de Saúde da Coruña
95-03677