De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle a persoa que no anexo se menciona que, con esta data, resolvín publica-la proposta de resolución do procedemento sancionador por infracción da Lei 4/1989, do 27 de marzo, de conservación dos espacios naturais e da flora e fauna silvestres (BOE número 74, do 28-3-1989), por non ser posible a súa notificación.
O pagamento voluntario porá fin ó expediente. Para efectualo deberá emprega-los impresos normalizados que lle serán facilitados nesta delegación provincial, sita no edificio administrativo de servicios múltiples, Monelos, A Coruña.
De non efectua-lo pagamento voluntario, dispón o interesado dun prazo de quince días, contados a partir do seguinte ó da publicación desta notificación, para formular cantas alegacións coide pertinentes. No mesmo prazo ponse o procedemento de manifesto para trámite de vista se o considera oportuno.
Rematado o prazo que se sinala, esta proposta, xunto con tódolos documentos que constan no expediente, remitiránselle ó delegado provincial da Consellería de Agricultura, Gandería e Montes para a resolución do procedemento.
O que se lle comunica de acordo coa normativa antes citada e co establecido no Regulamento do procedemento para o exercicio da potestade sancionadora,
aprobado polo R.D. 1398/1993, do 4 de agosto (BOE número 189, do 9-8-1993).
A Coruña, 8 de maio de 1995.
Beatriz Rodríguez Fraga
Instructora
ANEXO
Expediente sancionador número: EN 94/0081.
Denunciado, DNI, último enderezo coñecido: Fernández Fernández, Josefa Rosa. 33.205.566. R/ Francos Rodríguez, 58, Madrid.
Feitos imputados: circular fóra das pistas e itinerarios permitidos dentro do parque natural de Corrubedo.
Tipificación da infracción: Lei 4/1989 de CEN. Artigo infrinxido: 38.13º.
Tipificación da infracción: Lei 4/1989 de CEN. Cualificación infracción: leve.
Sanción proposta: 25.000 ptas.
95-4440