Visto o expediente incoado nesta delegación provincial por instancia de Unión Eléctrica-Fenosa, S.A., con domicilio en rúa Sáenz Díez, 95, Ourense, en solicitude de autorización para instalar L.M.T., C.T. e R.B.T. en Uriz e Barrio, no concello de Chantada, e cumpridos os trámites de información pública que determina o artigo 9 do Decreto 2617/1966, do 20 de outubro, sen que se presentase oposición nin obxección ningunha á citada solicitude.

O delegado provincial, de conformidade co Decreto 1634/1980, artigo 14, e co 2617/1966, artigo 11, así como coas demais disposicións vixentes, resolveu:

Autorizar a Unión Eléctrica-Fenosa, S.A., a instalación de liña de media tensión a 20 kV, con conductores LA-56/54,6 mm Al, con apoios de formigón, 4 cunha lonxitude de 458 metros. Centros de transformación tipo intemperie cunha potencia de 100 kVA, 20.000/380-220 V, en postes de formigón. Rede de baixa tensión cunha lonxitude de1.518 metros en conductores R.Z.-95-50-25, para mellora da subministración nos lugares de Uriz e Barrio, no concello de Chantada.

Esta autorización non supón a aprobación do proxecto.

Lugo, 20 de abril de 1995.

Jesús Bendaña Suárez

Delegado provincial de Lugo

95-3608