De conformidade coa proposta elevada pola comisión constituída para xulga-lo concurso, convocado por resolución desta universidade do 15 de xuño de 1994 (BOE do 27) para a provisión da praza de catedrático de escola universitaria da área de coñecemento de didáctica e organización escolar, do departamento de Didáctica e Organización Escolar, da Universidade de Santiago de Compostela, a favor de Ángel Serafín Porto Ucha, e cumprindo o/a interesado/a os requisitos
a que alude o artigo 5.2º do Real decreto 1888/1984, do 26 de setembro,
Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Ángel Serafín Porto Ucha, catedrático de escola universitaria da área de coñecemento de didáctica e organización escolar, do departamento de Didáctica e Organización Escolar, da Universidade de Santiago de Compostela.
Santiago de Compostela, 24 de maio de 1995.
F. Darío Villanueva Prieto
Rector da Universidade de Santiago de Compostela
95-4056