Con data 5 de maio de 1995, a Dirección Xeral da Función Pública, recibe da Sala do Contencioso-Administrativo, sección primeira, do Tribunal Superior de Xustiza de Galicia, providencia pola que se admite o recurso contencioso-administrativo número 01/0000776/1995, interposto por Guillermo Manuel Pazos Sánchez contra Resolución do 2 de marzo de 1995 da Consellería da Presidencia e Administración Pública que desestima solicitude do recorrente, sobre compatibilidade do exercicio libre da súa profesión de veterinario.

En consecuencia, esta dirección xeral acordou nesta data, e de conformidade co disposto no artigo 64 da Lei do 27 de decembro de 1956, reguladora da xurisdicción contencioso-administrativa, modificada pola Lei 10/1992, do 30 de abril, a remisión do correspondente expediente administrativo á referida sala. O que se notifica para xeral coñecemento de tódalas persoas interesadas no procedemento que son emprazadas para que poidan comparecer en forma en autos na Sala do Contencioso-Administrativo do Tribunal Superior de Xustiza de Galicia no prazo de nove días.

Santiago de Compostela, 12 de maio de 1995

Joaquín López-Rúa Soler

Director xeral da Función Pública

95-3639