Para os efectos previdos no artigo 9 do Decreto 2617/1966, do 20 de outubro, sométese a información pública a petición de instalación, que ten as seguintes características especiais:

Peticionario: Unión Eléctrica-Fenosa, S.A.

Lugar no que se vai establece-la instalación: desde a L.M.T. existente ó C.T. de Ponte Valga, que se vai substituír, ata o novo C.T. de Ponte Valga, concello de Valga.

Finalidade da instalación: mellora-la subministración eléctrica na zona.

Características principais: L.M.T., soterrada, a 20 kV, de 80 m de lonxitude, con conducto tipo R.Z. C.T. de 250 kVA, relación de transformación 20 kV-398/230 V. R.B.T., aéreo-soterrada, sendo o tramo aéreo de 160 m de lonxitude, con conductor tipo R.Z, sobre apoios de formigón, e a soterrada terá unha lonxitude de 450 m, con conductor tipo R.V.

Orzamento: 9.510.042 ptas.

O que se fai público para que poida ser examinado o proxecto da instalación nestas oficinas, sitas na Rúa Nova de Abaixo, nº 2, e formularse contra el as reclamacións, por duplicado, que se consideren oportunas, no prazo de trinta días contados a partir do seguinte ó da publicación desta resolución.

Pontevedra, 21 de abril de 1995.

Ramón Álvarez Abad

Delegado provincial de Pontevedra

95-3979