Recaída resolución da Comisión Provincial de Urbanismo, en sesión celebrada o día 4 de maio de 1995, aprobando o proxecto de expropiación forzosa dos bens
e dereitos correspondentes ó inmoble chamado Almacéns de Raxoi e por considerar que, segundo os artigos 220.2º do texto refundido da Lei sobre réxime do solo e ordenación urbana e 203.2º do Regulamento de xestión urbanística, do 25 de agosto de 1978, o pagamento ou depósito do importe da valoración polo citado órgano autonómico produce os efectos previstos nos números 6, 7 e 8 do artigo 52 da Lei de expropiación forzosa, do 16 de decembro de 1954, sen prexuízo de que poidan seguir tramitándose os recursos procedentes respecto á fixación do prezo xusto; requirirase ós interesados mediante edictos e notificacións individualizadas, para que o día 20 de xullo de 1995, ás 11 horas comparezan na Casa do Concello, co fin de proceder ó levantamento das actas previas á ocupación do predio incluído na relación de propietarios e titulares de dereitos afectados polo proxecto da expropiación citada.
O acto terá lugar a partir da hora sinalada, sen prexuízo de trasladarse ó lugar se así se estimase conveniente.
O propietario ou titular afectado deberá asistir persoalmente ou por medio de persoa debidamente autorizada para actuar no seu nome, achegando os documentos públicos ou privados da súa titularidade e último recibo do imposto sobre bens inmobles, podendo ir acompañado do seu perito ou notario.
Relación de predios, propietarios e titulares de dereitos afectados:
1. Determinación do ámbito territorial.
a) Situación: porto de Pontedeume. Inmoble Lonxas de Raxoi.
b) Superficie total da edificación: 1.331 m.
c) Lindeiros: norte, porto de Pontedeume; sur, rúa Padre Frei Gumersindo Placer; leste, edificio do xulgado, rúa no medio; oeste, edificio colexio Couceiro Freijomil, rúa Galera no medio.
2. Titular dos bens e dereitos: Rodrigo Pardo y Cía., S.L.
Domicilio: rúa Santo André, 138-3º, 15003 A Coruña.
Pontedeume, 20 de xuño de 1995.
Belarmino Freire Bujía
Alcalde
95-04582
