Con data 7 de novembro de 1994 o director xeral de Obras Públicas aprobou o proxecto de Casetas no Barqueiro.
Os bens e dereitos nos que se concreta a declaración de urxencia ocupación aparecen recollidos e valorados no citado proxecto.
A competencia para efectua-la declaración de urxente ocupación tena atribuída a Xunta de Galicia, en virtude do artigo 2 do Decreto 167/1982, do 1 de decembro, sobre asunción de transferencias en materia de portos, e a súa asignación á Consellería de Política Territorial, Obras Públicas e Vivenda.
En virtude de todo o exposto, e en aplicación do artigo 28.2º do Estatuto de autonomía de Galicia
e dos artigos 10 e 52 da Lei de expropia ción forzosa, en relación co previsto no artigo 8 do da Lei 25/1988, do 29 de xullo, a proposta do conselleiro de Política Territorial, Obras Públicas e Vivenda, logo de deliberación do Consello da Xunta de Galicia na súa reunión do día dezaseis de xuño de mil novecentos noventa e cinco,
DISPOÑO:
Artigo único.-Declara-la utilidade pública e a urxente ocupación, dos bens e dereitos precisos que se concretan no expediente administrativo instruído, para efectos de expropiación, no proxecto das obras de clave CN-26-07-1994 Casetas no Barqueiro.
Santiago de Compostela, dezaseis de xuño de mil novecentos noventa e cinco.
Manuel Fraga Iribarne
Presidente
José Cuíña Crespo
Conselleiro de Política Territorial, Obras Públicas e Vivenda