Visto o expediente para outorgamento de autorización administrativa e aprobación do proxecto de execución das instalacións eléctricas que a continuación se detallan:
Solicitante: Unión Eléctrica-Fenosa, S.A.
Enderezo social: Severo Ochoa, 2, 15008 A Coruña.
Denominación: acometida e L.M.T. subterráneas.
Situación: Monte do Gozo, Santiago de Compostela
Características técnicas: liña eléctrica subterránea de media tensión, a 20 kV, baixo tubo e con conductor R.H.V. 12/20 kV, de 3(1x95) mm Al, de 2.261 m de lonxitude, con orixe no apoio nº 9 da liña a C.T. Pena-Aríns (expediente 51644) e remate nos centros de transformación en Monte do Gozo, denominados anfiteatro, zona residencial, camping e arcebispado, Santiago de Compostela.
Cumpridos os trámites ordenados nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial, resolve:
Autorizar e aproba-lo proxecto de execución das devanditas instalacións, nas que as características axustaranse en tódalas súas partes ás que figuran no mesmo e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan nos expedientes.
A Coruña, 27 de abril de 1995.
Juan Ignacio Lizaur Otero
Delegado provincial da Coruña