A Consellería da Presidencia e Administración Pública acordou a realización da asistencia técnica

informática do CECOP-Galicia e dos CECOP-provinciais, polo sistema de contratación directa e polo importe máximo de seis millóns de pesetas (6.000.000 ptas.), IVE incluído.

Co fin de proceder á devandita contratación, invítase ós interesados a presenta-las correspondentes propostas económicas.

Os pregos de cláusulas administrativas particulares, de prescricións técnicas e demais documentos relativos á contratación á que se refire o presente anuncio, poderán examinarse na Secretaría Xeral para a Protección Civil e o Medio Ambiente, rúa Algalia de Arriba, 31, de Santiago de Compostela, teléfono 54 60 00.

As propostas presentaranse en sobre pechado e lacrado, no rexistro xeral da Xunta de Galicia, San Caetano, s/n, Santiago de Compostela.

O prazo de presentación das ofertas rematará ós 10 días naturais, contados a partir do día seguinte á publicación do presente anuncio.

A apertura das proposicións admitidas será realizada pola Mesa de Contratación, en acto público, que terá lugar na sala B de San Caetano, Santiago de Compostela, ás 11 h. do primeiro día hábil (que non coincida en sábado), transcorridos 5 días naturais, contados a partir do seguinte ó do remate do prazo de presentación de proposicións.

O custo deste anuncio correrá a cargo do adxudicatario.

Santiago de Compostela, 4 de maio de 1995.

José Luis Aboal García-Tuñón

Secretario xeral para a Protección Civil e o Medio Ambiente

CONSELLERÍA DE POLÍTICA TERRITORIAL, OBRAS PÚBLICAS

E VIVENDA