De conformidade coa proposta elevada pola comisión constituída para xulga-lo concurso, convocado por resolución desta universidade do 15 de xuño de 1994 (BOE do 27 de xuño de 1994) para a provisión da praza de profesora titular de universidade da área de coñecemento de filosofía do dereito moral e política (Lugo), do departamento de Lóxica e Filosofía da Ciencia, Filosofía do Dereito Moral e Política, da Universidade de Santiago de Compostela, a favor de Beatriz Fernández Herrero, e cumprindo a persoa interesada os requisitos a que alude o artigo 5.2º do Real decreto 1888/1984, do 26 de setembro,

Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Beatriz Fernández Herro, profesora titular de universidade da área de coñecemento de filosofía do dereito moral e política (Lugo), do departamento de Lóxica e Filosofía da Ciencia, Filosofía do Dereito Moral e Política, da Universidade de Santiago de Compostela.

Santiago de Compostela, 4 de abril de 1995.

F. Darío Villanueva Prieto

Rector da Universidade de Santiago de Compostela