De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que no anexo se menciona que, con esta data, resolvín publica-la proposta de resolución dos procedementos sancionadores que se instrúen, por infracción da Lei 1/1993 do 13 de abril, de protección de animais domésticos e salvaxes en catividade (DOG nº 75, do 22 de abril), por resultar descoñecido o domicilio dos interesados.
O pagamento voluntario porá fin ó expediente. Para efectualo deberá emprega-los impresos normalizados que lles serán facilitados nesta delegación provincial, sita no edificio administrativo de servicios múltiples, Monelos, A Coruña.
De non efectua-lo pagamento voluntario, dispón o interesado dun prazo de quince días, contados a partir do seguinte ó da publicación desta notificación, para formular cantas alegacións coide pertinentes. No mesmo prazo ponse o procedemento de manifesto para trámite de vista se o considera oportuno. O expediente pode ser examinado na delegación provincial desta consellería, sita no edificio administrativo de servicios múltiples, Monelos, A Coruña.
Rematado o prazo que se sinala, esta proposta, xunto con tódolos documentos que constan no expediente, remitiráselle ó delegado provincial da Consellería de Agricultura, Gandería e Montes para a resolución do procedemento.
O que se lle comunica de acordo coa normativa antes citada e co establecido no Regulamento do procedemento para o exercicio da potestade sancionadora, aprobado polo Real decreto 1398/1993, do 4 de agosto (BOE nº 189, do 9 de agosto).
A Coruña, 31 de marzo de 1995.
Beatriz Rodríguez Fraga
Instructora
ANEXO
Expediente: 003PR/94.
Denunciado: Casteleiro Licetti, Francisco.
DNI: 32.273.444.
Último enderezo coñecido: Seselle, 86-Ares.
Feito denunciado: incumpri-la Lei 1/1993, do 13 de abril, de protección de animais domésticos e salvaxes en catividade.
Tipificación da infracción protección de animais domésticos e salvaxes en catividade: artigo 7.2º.
Sanción proposta: 25.000 ptas.