O día 4 de maio de 1995 a Dirección Xeral de Persoal da Consellería de Educación e Ordenación Universitaria remitiulle á Sala do Contencioso-Administrativo, sección primeira, do Tribunal Superior de Xustiza de Galicia, o expediente administrativo correspondente ó número contencioso-administrativo número 434/1995, interposto por Sira Fernández Armada, contra resolución da Dirección Xeral de Persoal desestimatoria da pretensión dos recorrentes sobre valoración como mérito docente e complemento específico ó seu labor de mestres de educación especial.

En cumprimento do requirimento da presidencia da sala e o disposto no artigo 64 da Lei do 27 de decembro de 1956, reguladora da xurisdicción contencioso-administrativa, modificada pola Lei 10/1992, do 30 de abril, fáiselles público a tódolos interesados no procedemento, dos que se descoñece a súa identidade, para que poidan comparecer e presentarse en autos, no prazo de nove días, perante a sección primeira da Sala do Contencioso-Administrativo do Tribunal Superior de Xustiza de Galicia.

Santiago de Compostela, 4 de maio de 1995.

Juan José Bértolo Cadenas

Secretario xeral da Consellería de Educación

e Ordenación Universitaria