De conformidade co acordo adoptado pola Comisión de Goberno en sesión do 19 de maio de 1995, anúnciase a poxa para a realización da obra denominada rede de sumidoiros en Outeiro e outros.

Obxecto: constitúe o obxecto da poxa a realización da obra denominada rede de sumidoiros en Outeiro e outros incluída no Plan Operativo Local de 1995, segundo o proxecto redactado polo enxeñeiro de camiños, canles e portos Manuel Durán Fuentes.

Orzamento: 10.120.000 pesetas.

Prazo de execución e garantía: prazo de execución: 3 meses, contados desde o seguinte ó da subscrición da acta de replanteo. Prazo de garantía: 1 ano a partir da recepción provisional da obra.

Fianza provisional e definitiva: fianza provisional: 202.400 pesetas. Fianza definitiva: 4% sobre o prezo de adxudicación.

Prego de condicións: para o non previsto neste prego rexerá o prego de condicións tipo aprobado polo Pleno da Corporación en sesión do 28 de maio de 1992, publicado no BOP nº 134 do 12 de xuño de 1992.

Proposición e documentación: a proposición presentarase en sobre pechado, no que figurará o lema «Proposición para tomar parte na poxa da obra rede de sumidoiros en Outeiro e outros».

A documentación que figura na cláusula 13 do prego de condicións, a excepción da clasificación do contratista que non se esixe, presentarase en sobre pechado á parte do da proposición no que figurará o lema «Referencias».

Modelo de proposición: Don/a..........., con domicilio en.......... con DNI ou NIF nº........., expedido en....... en plena posesión da súa capacidade xurídica e de obrar, en nome propio (ou en representación de ........, segundo acredita con ..........).

Informado do expediente e condicións para contrata-la obra ........., publicada no BOP nº ..........e no Diario Oficial de Galicia nº........, comprométese a executar, no prezo de .......... pesetas, cantidade que representa unha baixa do .........% de acordo co tipo de licitación.

Lugar, data e sinatura.

Prazo de presentación de proposicións e documentación: 20 días hábiles contados a partir da última publicación deste edicto no BOP ou Diario Oficial de Galicia.

Apertura de proposicións: na Casa do Concello, ás 13 horas do día seguinte hábil en que remate o prazo de presentación de proposicións e documentación.

Verea, 22 de maio de 1995.

O alcalde

Rubricado