Aprobada inicialmente polo Pleno da Corporación, en sesión celebrada o día 25 de marzo de 1995, a modificación puntual das normas subsidiarias de planemento do municipio de Palas de Rei, sométese a información pública polo prazo de un mes, mediante anuncio no BOP e DOG, durante o que poderán ser examinadas na secretaría deste concello, para formula-las alegacións que se coiden oportunas.
O prazo de un mes comezará a contarse desde o día seguinte ó da última publicación deste anuncio en calquera dos diarios oficiais indicados.
Quedan suspendidas por dous anos as licencias de parcelación de terreos, edificación e demolición, no ámbito territorial comprendido na modificación, por supoñe-las novas determinacións modificacións, do réxime urbanístico vixente.
A suspensión extinguirase en todo caso, coa aprobación definitiva.
Palas de Rei, 30 de marzo de 1995.
Manuel Santos Varela
Alcalde