En cumprimento do sinalado na base común 5 da Orde do 8 de xuño de 1994 (DOG do 10 de xuño), pola que se convocaban procedementos selectivos de ingreso e acceso ó corpo de profesores de escolas oficiais de idiomas, entre outros, esta dirección xeral
RESOLVE:
Primeiro.-Nomea-lo tribunal que deberá xulga-lo procedemento selectivo ó corpo de profesores de escolas oficiais de idiomas, especialidade de ruso e que figura no anexo desta resolución.
O presidente tomará as medidas necesarias para a constitución do tribunal no prazo indicado.
Segundo.-A localidade de actuación do citado tribunal farase pública na resolución do tribunal pola que se anunciará a hora e o lugar do acto de presentación, a celebración das probas de coñecemento de lingua galega e a primeira parte da proba.
Terceiro.-Quedan autorizadas as comisións de servicios dos membros dos tribunais que necesiten desprazarse da súa residencia oficial para o exercicio de tal función, tendo dereito a percibi-las axudas de custo e gastos de viaxes de acordo coa lexislación vixente. O medio de locomoción empregable será calquera dos previstos no Decreto 299/1990, do 24 de maio, debendo entenderse que queda expresamente autorizado o uso de vehículos propios, de acordo co citado decreto.
Santiago de Compostela, 8 de xuño de 1995.
Jaime García García
Director xeral de Persoal
ANEXO
-Disciplina: ruso.
Presidenta: Carmen Alonso Cecilia
Vocais:
Tatiana Y. Cuesta Andrés
María Elvira Amil Vázquez
Cristina Cuesta Pastor
María del Carmen Baamonde Canle