Aprobado en sesión plenaria do 4 de maio de 1995 o proxecto da obra de enlace rede abastacemento
polígonos Airios-Penapurreira, 1ª fase, o Concello das Pontes de García Rodríguez convoca licitación por poxa conforme o prego de condicións aprobado pola corporación en sesión do 28 de maio de 1993, que en resumo di:
Obxecto do contrato: é a execución da obra de enlace rede abastecemento polígonos Airios-Penapurreira, 1ª fase, cun orzamento de 54.665.325 ptas., segundo o proxecto redactado polo enxeñeiro municipal Marcelino López Méndez.
Prazo de execución: o prazo establecido no proxecto para a execución da obra é de catro (4) meses.
Tipo de licitación: sinálase o importe do proxecto da obra, que queda referido no primeiro punto.
Clasificación do contratista: o contratista estará en posesión da seguinte clasificación: grupo E, subgrupo 1, categoría d.
Proposicións: presentaranse debidamente reintegradas e en dous sobres pechados, un de documentación, no que se poñerá: «Proposición para tomar parte na poxa das obras de enlace rede abastecemento polígonos Airios-Penapurreira, 1ª fase presentada por... ». O licitador (asinado e rubricado), e outro coa oferta económica no que se poñerá: «Proposición para tomar parte na poxa das obras de enlace rede abastecemento polígonos Airios-Penapurreira, 1ª fase presentada por...». O licitador (asinado e rubricado). O modelo de proposición será o seguinte:
Don/Dona..., veciño/a de..., con domicilio en..., DNI nº..., en plena posesión da súa capacidade xurídica e de obrar, en nome propio (ou en representación de... ) solicita tomar parte na contratación por poxa convocada polo Concello das Pontes de García Rodríguez para a execución das obras comprendidas no proxecto de... facendo constar:
1) Que ofrece o prezo de.... ptas. que significa unha baixa de... ptas. en relación co tipo de licitación.
2) Que coñece e acepta cantas obrigas se deriven dos pregos de condicións do presente contrato.
3) Que achega nos correspondentes sobres a documentación esixida no prego de condicións. En..., .... de... de 199... O licitador, asinado.
Lugar e prazo de presentación de proposicións: presentaranse nas oficinas municipais dentro do prazo de vinte días hábiles a contar do día seguinte ó da última publicación do anuncio no BOP ou DOG, en horas de nove a trece.
Apertura de plicas: terá lugar ás doce horas do 5º día hábil seguinte a aquel en que remate o prazo de presentación de propostas. Se rematase o prazo en sábado concluirá o prazo o día hábil seguinte.
Fianza provisional: presentarase cos sobres referidos no punto 5º e fóra deles o documento acreditativo de que se constituíu a fianza de 1.093.307 ptas.
As Pontes de García Rodríguez, 8 de maio de 1995.
Aquilino Meizoso Carballo
Alcalde-presidente