Faise saber a tódolos propietarios dos bens e dereitos afectados polas instalacións das liñas eléctricas a 15/20 kV ó polígono industrial de Carballo, e ó centro de transformación de Outeiro, nos concellos de Coristanco e Cabana, da entidade Unión Eléctrica-Fenosa, S.A. que para os pagamentos do prezo de taxación por expropiación forzosa e imposición de servidumes de paso, conforme as indemnizacións acordadas polo xurado provincial de expropiación, se sinala o día 4 de xullo de 1995 ás 10.30 horas na Casa Consistorial de Carballo, e ás 11.30 horas na de Coristanco, e ás 13 horas na de Cabana.
Os pagamentos corresponderanse cos predios e interesados contidos nas listas que se remiten ós citados concellos, e verificaranse de conformidade cos artigos 48, 49 e 50 da Lei de expropiación forzosa, do 16 de decembro de 1954, e 48, 49, 50 e 51 do seu Regulamento, do 26 de abril de 1957.
A Coruña, 2 de maio de 1995.
Juan Ignacio Lizaur Otero
Delegado provincial da Coruña