Notificóuselle á Consellería de Sanidade e Servicios Sociais providencia da Sala do Contencioso-Administrativo do Tribunal Superior de Xustiza de Galicia, pola que se solicita a remisión do expediente correspondente ó recurso contencioso-administrativo número 1/860/1995, interposto por Manuela Mourelle Mosqueira contra a orde do 20
de xaneiro de 1995 (DOG número 46, do 7 de marzo), pola que, en cumprimento da sentencia da antedita sala, do 24 de outubro de 1994, se modifica a resolución da Secretaría Xeral Técnica da Consellería de Sanidade do 22 de maio de 1991 (DOG número 106, do 5 de xuño), pola que se resolve o concurso-oposición libre para o ingreso na clase de practicantes titulares convocado por Orde do 9 de novembro de 1990 (DOG número 224, do 14 de novembro) e se publica a relación de aspirantes seleccionados.
En consecuencia, esta dirección xeral acorda, de conformidade co disposto no artigo 8 da Lei 62/1978, do 26 de decembro, de protección xurisdiccional dos dereitos fundamentais da persoa, a remisión do expediente administrativo á referida sala, o que se notifica para xeral coñecemento a tódalas persoas interesadas no procedemento e son emprazadas para que poidan comparecer en forma en autos na sección primeira da Sala do Contencioso-Administrativo do Tribunal Superior de Xustiza de Galicia, no prazo de cinco días.
Santiago de Compostela, 15 de maio de 1995.
Carlos Negreira Souto
Director xeral de Recursos Humanos