Esta delegación provincial, en virtude do disposto no Decreto 87/1990, do 15 de febreiro, e na Orde do 25 de xaneiro de 1995, sobre desconcentración de competencias en materia de contratación, e unha vez cumpridos os trámites administrativos correspondentes, resolve anunciar por concurso a obra que a continuación se indica:
-Construcción dun polideportivo cuberto no I.B.M. de Monforte de Lemos.
-Orzamento de contrata: 72.220.464 pesetas.
-Prazo de execución: nove meses.
-Clasificación requirida: grupo C, categoría D.
O proxecto e o prego de cláusulas administrativas particulares están á disposición dos interesados na Delegación Provincial de Educación, rúa Armando
Durán, s/n, 2ª planta, Lugo, durante o prazo de presentación de proposicións, das nove ás catorce horas.
Prazo de presentación de proposicións: comezará o día seguinte ó da publicación da presente resolución no B.O.E. e rematará o día 2 de xuño de 1995, ás catorce horas.
Lugar de presentación: as proposicións presentaranse no rexistro da Delegación Provincial de Educación, rúa Armando Durán s/n, 2ª planta. Lugo.
Documentación esixida: a especificada nas cláusulas do prego.
Exame da documentación: a Mesa de Contratación cualificará as documentacións presentadas e publicará a continuación no taboleiro de anuncios desta delegación o resultado da dita cualificación, co fin de que se reparen, dentro do prazo que se indique, os defectos materiais observados na documentación.
Apertura de proposicións: será realizada pola Mesa de Contratación ás 10 horas do día 8 de xuño de 1995 na sala de xuntas desta delegación provincial.
O importe do presente anuncio será a cargo da empresa adxudicataria.
Lugo, 5 de maio de 1995.
Ángel Fernández López
Delegado provincial de Lugo