O Servicio Galego de Saúde, por proposta da Dirección Xeral de Recursos Económicos, e unha vez cumpridos os trámites administrativos correspondentes, resolve anuncia-la subministración do expediente que a seguir se cita:

Subministración: equipamento de mobiliario xeral, aparellos audiovisuais e fornos microondas.

Destino: centros de saúde onde se instalen puntos de atención continuada.

Orzamento: 8.505.000 ptas. (IVE incluído).

Forma de adxudicación: concurso público.

Prazo de execución: os bens obxecto do presente concurso público entregaranse no prazo de 30 días contados a partir da data de notificación da adxudicación.

Documentos de interese para os licitadores: o prego de cláusulas administrativas particulares, e demais documentación complementaria estarán de manifesto e á disposición dos concursantes para o seu exame nos servicios centrais da Dirección Xeral de Recursos Económicos, edificio administrativo de San Caetano, bloque 2-2º en Santiago de Compostela, e nas direccións provinciais do Servicio Galego de Saúde, tódolos días laborables, agás sábados, das 9 ás 14 horas.

Fianza provisional: 170.100 pesetas.

Presentación de proposicións: as proposicións deberán ser presentadas en man, en sobres pechados e asinados polo licitador ou persoa que o represente, no rexistro xeral do Servicio Galego de Saúde, antes das 14 horas do vixésimo día hábil contado a partir do seguinte ó da publicación desta resolución no DOG ou enviadas por correo dentro do prazo sinalado.

Cando as proposicións se envíen por correo, o licitador deberá xustifica-la data de imposición do envío na oficina de correos e anunciar ó órgano de contratación a remisión da oferta mediante fax (981) 54 27 62 ou telegrama no mesmo día, de conformidade co artigo 100 do Regulamento xeral de contratación do Estado.

Apertura de proposicións: terá lugar na sala de xuntas do Servicio Galego de Saúde, edificios administrativos de San Caetano, a partir das 10 horas do décimo primeiro dia natural contado a partir do seguinte a aquel en que remate o prazo de presentación de ofertas. No caso de que o dito dia coincida en sábado ou festivo, a apertura das proposicións terá lugar o dia hábil seguinte.

Documentación que aportarán os licitadores: os documentos que figuran no prego de cláusulas administrativas particulares.

Anuncios: o pagamento do anuncio do presente concurso público será por conta do adxudicatario do contrato.

Santiago de Compostela, 24 de abril de 1995.

Antonio Carbajo Romero

Director xeral de Recursos Económicos