De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que no anexo se menciona que, con esta data, resolvín publica-la proposta de resolución do procedemento sancionador que se instrúe, por infracción á Orde do 28 de xullo de 1980 que desenvolve o Decreto do 24 de abril, número 1119/1975 sobre autorización e rexistro de núcleos zoolóxicos, establecementos para a práctica da equitación e centros para o fomento e cuidado de animáis de compaña (BOE nº 219, do 11 de setembro) en relación á Lei 20 de decembro de 1952, sobre epizootias (BOE nº 358, do 23 de decembro), e ó seu Regulamento do 4 de febreiro de 1955, modificado, entre outros, polo Real decreto 1665/1976, do 7 de maio (BOE nº 174, do 21 de xuño), por non ser posible a súa notificación.
O interesado dispón dun prazo de quince días, contados a partir do seguinte ó de publicación desta notificación, para formular cantas alegacións coide pertinentes. No mesmo prazo ponse o procedemento de manifesto para trámite de vista se o considera oportuno. O expediente pode ser examinado na delegación provincial desta consellería, sita no edificio administrativo de servicios múltiples Monelos, A Coruña.
Rematado o prazo que se sinala, esta proposta, xunto con tódolos documentos que constan no expediente, remitiráselle ó delegado provincial da Conselleria de Agricultura, Gandería e Montes para a resolución do procedemento.
O que se lle comunica de acorde coa normativa antes citada e co establecido no Regulamento do procedemento para o exercicio da potestade sancionadora, aprobado polo Real decreto 1398/1993, do 4 de agosto (BOE nº 189; do 9 de agosto).
A Coruña, 23 de maio de 1995.
Beatriz Rodríguez Fraga
Instructora
ANEXO
Expediente: 001NZ/94.
Denunciado: La Garrocha.
Ultimo enderezo coñecido: Compostela, 8-3º, 15004 A Coruña.
Feito denunciado: incumpri-la normativa vixente do rexistro de núcleos zoolóxicos.
Tipificación da infracción núcleos zoolóxicos e Regulamento de epizootias: artigo 1 do Decreto 1119/1975, e 224 do Regulamento de epizootias.
Sanción proposta: 75.000.
