Para os efectos previdos no artigo 9 do Decreto 2617/1966 e no artigo 10 do Decreto 2619/1966, sométese a información pública a petición de autorización e declaración de utilidade pública da instalación eléctrica que se describe:

Solicitante: Unión Eléctrica-Fenosa, S.A.

Enderezo social: Severo Ochoa, 2, 15008 A Coruña.

Denominación: L.M.T. subestación Bergondo a Betanzos-Carral.

Situación: Bergondo e Betanzos.

Características técnicas: liña eléctrica aérea de media tensión, a 15/20 kV, sobre apoios metálicos e de formigón, con conductor LA-110, de 1.567 m de lonxitude, con remate en apoio número 13 da liña Betanzos-Carral (expediente número 27209), sendo a súa orixe a subestación de Bergondo, Bergondo.

Todas aquelas persoas ou entidades que se consideren afectadas poderán presenta-las súas alegacións nesta delegación provincial, no prazo de trinta días.

A Coruña, 13 de marzo de 1995.

Juan Ignacio Lizaur Otero

Delegado provincial da Coruña