A orde do Ministerio de Agricultura, Pesca e Alimentación do 19 de abril de 1994 (BOE do 20 de abril) regula a concesión de primas por abandono definitivo de superficies vitícolas, a partir da campaña 1993-1994, en aplicación do Regulamento (CEE) 1442/1998 do consello, do 24 de maio, modificado polo Regulamento (CEE) 3255/1993, da comisión, do 26 de novembro.

A orde precitada establece, no seu artigo 7, que o prazo de presentación de solicitudes deberá remata-lo 1 de xullo de cada ano e que cada Comunidade Autónoma determinará, para cada ano, a data de inicio do prazo de presentación de solicitudes.

Así mesmo correspóndelle á Comunidade Autónoma realiza-los trámites pertinentes para o pagamento da subvención.

En consecuencia, de acordo co disposto no artigo 30.1º 3 do Estatuto de autonomía de Galicia e no uso das competencias que me confire a Lei 1/1983, reguladora da Xunta de Galicia e do seu presidente,

DISPOÑO:

Primeiro.-As solicitudes de concesión de prima por abandono definitivo de superficie vitícolas para a campaña 1994-1995 no marco do establecido pola orde do Ministerio de Agricultura, Pesca e Alimentación, do 19 de abril de 1994, para a Comunidade Autónoma de Galicia, presentaranse, preferentemente, nas axencias de Extensión Agraría e Servicios Provinciais de Axudas Estructurais da Consellería de Agricultura, Gandería e Montes, utilizando os modelos de solicitude do anexo I. Así mesmo, poderanse presenta-las devanditas solicitudes segundo se prevé no artigo 38.4º da Lei de réxime xurídico das administracións públicas e do procedemento administrativo común.

Segundo.-O prazo de presentación de solicitudes para a campaña 1994-1995 iniciarase o día seguinte ó da publicación da presente resolución no Diario Oficial de Galicia e rematará o 1 de xullo de 1995.

Terceiro.-O prazo para comunicarlles ós servicios provinciais de Axudas Estructurais da Consellería de Agricultura, Gandería e Montes a realización do arranque rematará o 31 de xaneiro de 1996.

Santiago de Compostela, 25 de abril de 1995.

Víctor Tello Calvo

Director xeral de Producción Agropecuaria e Industrias Agroalimentarias