En cumprimento do ordenado no artigo 52 da Lei de expropiación forzosa en relación co artigo 31.6º do regulamento da Lei 10/1966, do 18 de marzo, sobre expropiación forzosa e sancións en materia de instalacións eléctricas, aprobado polo Decreto 2619/1966, do 20 de outubro, faise saber, en resumo, a tódolos interesados afectados pola execución do proxecto de referencia, do que a súa urxente ocupación foi outorgada polo Decreto 120/1995 (DOG
nº 88, do 9 de maio), que o día 20-6-1995, a partir das 11 horas darase comezo ó levantamento sobre o terreo polo representante da Administración das actas previas á ocupación, correspondentes ós predios situados no concello de Vigo, sinalados cos números que en folla adxunta se detallan previndo ós ditos interesados que na respectiva notificación individual, que mediante cédula se lles efectuará, coa debida anticipación legal do día e hora en que para cada un terá lugar a dita dilixencia, prevíndoos tamén, que nos ditos actos poderán facerse acompañar dos seus peritos ou dun notario, á súa custa, se así estimasen conveniente.
A relación será fixada no taboleiro de anuncios do concello e nos desta delegación.
Vigo, 11 de maio de 1995.
Ramón Álvarez Abad
Delegado provincial de Pontevedra