A Lei 12/1993, do 6 de agosto, de fomento de investigación e de desenvolvemento tecnolóxico de Galicia (DOG do 23 de agosto), crea no artigo 14 o Consello Asesor de Investigación e Desenvolvemento TecnoIóxico, e determina que estará composto por un presidente, un secretario e os vocais que representen ás universidades, á Comunidade Autónoma e ós axentes sociais do modo que regulamentariamente se determine.
No artigo 15 da Lei 12/1995, establécense entre as funcións do Consello Asesor de Investigación e Desenvolvemento Tecnolóxico, as de propoñer obxectivos para a súa incorporación ó Plan Galego de Investigación e Desenvolvemento Tecnolóxico, propoñer á Comisión Interdepartamental de Ciencia e Tecnoloxía de Galicia (Cicetga) a incorporación ó plan daqueles programas que considere importantes e a de emitir informe sobre o anteproxecto do plan, así como calquera outro que lle sexa requirido pola Cicetga de cara á elaboración da memoria anual.
Fixada polo Decreto /1995,. do 10 de maio, a composición da Comisión Interdepartamental de Ciencia e Tecnoloxía de Galicia, procede agora establece-la composición do Consello Asesor de Investigación e Desenvolvemento Tecnolóxico.
En consecuencia, e por proposta do conselleiro de Educación e Ordenación Universitaria e logo de deliberación do Consello da Xunta de Galicia na súa reunión do día dez de maio de mil novecentos noventa e cinco,
DISPOÑO:
Artigo 1º
O Consello Asesor de Investigación e Desenvolvemento Tecnolóxico estará composto por un total
de 17 membros: un presidente, os tres rectores das universidades de Galicia, tres representantes da Administración autonómica, o delegado do Consello Superior de Investigacións Científicas en Galicia, catro representantes dos axentes sociais, catro representantes de recoñecido prestixio no ámbito da IDT e un secretario; todos eles serán nomeados por decreto do Consello da Xunta de Galicia.
Artigo 2º
O presidente do Consello Asesor de Investigación e Desenvolvemento Tecnolóxico será nomeado entre investigadores de recoñecido prestixio, por proposta do conselleiro de Educación e Ordenación Universitaria.
Artigo 3º
Vocais:
1. Os rectores das universidades de Galicia ou persoa en quen deleguen.
2. O director xeral de Universidades e Investigación, o director xeral do Instituto Galego de Promoción Económica (Igape), o secretario xeral da Consellería da Presidencia e Administración Pública na súa condición de secretario da Comisión de Secretarios Xerais.
3. O delegado do Consello Superior de Investigacións Científicas en Galicia.
4. Catro representantes das organizacions empresariais e sindicais.
a) Dous serán propostos polas organizacións sindicais que teñan a consideración de máis representativas dentro do ámbito territorial da Comunidade Autónoma, de conformidade coa normativa vixente.
b) Dous serán propostos polas organizacións empresariais de maior implantación en Galicia.
5. Catro representantes de recoñecido prestixio no ámbito da IDT propostos polo presidente da Comisión Interdepartamental de Ciencia e Tecnoloxía de Galicia.
Artigo 4º
O secretario do Consello Asesor de Investigación e Desenvolvemento Técnolóxico será o secretario xeral do Plan Galego de Investigación e Desenvolvemento Tecnolóxico.
Artigo 5º
O mandato dos vocais sinalados nos apartados 4 e 5 do artigo 3º será de catro anos renovables por unha soa vez. No suposto de cesamento dalgún deles antes de finaliza-lo dito período, o seu substituto será nomeado para o tempo que reste para a finalización do mandato.
Disposicións derradeiras
Primeira.-Facúltase o conselleiro de Educación e Ordenación Universitaria para dicta-las disposicións necesarias de desenvolvemento e execución do presente decreto.
Segunda.-Este decreto entrará en vigor o día seguinte ó da súa publicación no Diario Oficial de Galicia.
Santiago de Compostela, dez de maio de mil novecentos noventa e cinco.
Manuel Fraga Iribarne
Presidente
Juan Piñeiro Permuy
Conselleiro de Educación e Ordenacion Universitaria
