A Secretaría Xeral da Consellería de Agricultura, Gandería e Montes resolveu convoca-la seguinte licitación polo sistema de concurso:
Obxecto: contratación da subministración por concurso público consistente na adquisición de doce sementais bovinos de raza frisona e liña Holstein, divididos en tres lotes de 4 animais cada un, de acordo cos proxectos e pregos aprobados para iso.
Orzamento de licitación: trinta e nove millóns de pesetas (39.000.000 de ptas.).
Fianza provisional: duascentas sesenta mil pesetas por cada lote ó que se licite (260.000 ptas.).
Fianza definitiva: cincocentas vinte mil pesetas por cada lote adxudicado (520.000 ptas.).
Exposición dos pregos: o prego de cláusulas administrativas particulares así como o de prescricións técnicas estarán á disposición dos licitadores para o seu examen durante o prazo de presentación de ofertas, os días e horas hábiles de oficina, na Direc
ción Xeral de Producción Agropecuaria e Industrias Agroalimentarias (edificio administrativo, s/n, San Caetano, Santiago de Compostela).
Modelo de proposición: a proposición económica formularase estrictamente conforme o modelo que figura no prego de cláusulas administrativas particulares.
Presentación e apertura de proposicións: as ofertas deberán presentarse no rexistro xeral da Consellería de Agricultura, Gandería e Montes (edificio administrativo, s/n, San Caetano, Santiago de Compostela), o en calquera das vías admitidas pola vixente Lei de procedemento administrativo común, antes das 14 horas do día 20 de xuño de 1995.
A apertura de proposicións terá lugar en acto público nos locais da Secretaría Xeral da Consellería de Agricultura, Gandería e Montes (San Caetano, Santiago de Compostela), ás 12 horas do día 26 de xuño de 1995.
Gastos de publicación: serán por conta dos adxudicatarios.
Santiago de Compostela, 8 de maio de 1995.
P.D. (Orde 13-12-1993)
Antonio Luis Rosón Pérez
Secretario xeral da Consellería de Agricultura, Gandería e Montes