A Dirección Xerencia do Complexo Hospitalario Xeral-Cíes de Vigo, en virtude das atribucións que lle foron delegadas conforme o establecido no artigo 7 da orde da Consellería de Sanidade e Servicios Sociais do 15 de setembro de 1994 (DOG nº 191, do 3 de outubro), convoca o seguinte concurso público:

Obxecto e orzamento: arrendamento de equipos informáticos periféricos, equipos de microinformática e diversos programas, para a súa instalación no complexo hospitalario, por un orzamento total máximo, para oito meses, de trece millóns setecentas trinta e tres mil seiscentas pesetas (13.733.600 ptas.), IVE incluído.

Prazo de execución: os bens obxecto do presente concurso público deberanse entregar de xeito inmediato a partir da data de notificación da adxudicación. O período de vixencia do contrato estenderase desde a súa formalización ata o 31 de decembro de 1995.

Documentos de interese para os licitadores: o prego de cláusulas administrativas particulares e demais documentación complementaria pódense solicitar na Sección de Contratación Administrativa do Complexo Hospitalario Xeral-Cíes, rúa Pizarro, 22 36204 Vigo, en días laborais desde as 9 ata ás 14.30 horas no teléfono nº (986) 81 60 28 e fax nº (986) 81 60 65

Fianzas: provisional: un 2% do orzamento de licitación (274.672 ptas., se se licita polo total), que

se constituirá segundo o disposto no artigo 112 da L.C.E. e 340 do seu regulamento.

Presentación de proposicións: as proposicións, asinadas polo licitador ou persoa que o represente, deberanse presentar en man, en sobres pechados e lacrados, no rexistro xeral do Complexo Hospitalario Xeral-Cíes, antes das 13 horas do vixésimo día hábil contado a partir do seguinte ó da publicación desta resolución no Diario Oficial de Galicia, ou por correo do xeito indicado no artigo 100 do R.X.C.E.

Apertura de proposicións: a apertura das proposicións admitidas será realizada pola Mesa de Contratación, reunida en acto público na sala de xuntas do Hospital Xeral ás 10 horas do décimo primeiro día natural contado a partir do seguinte a aquel no que finalice o prazo de presentación de ofertas, no caso de que o dito día coincida en sábado ou festivo, a apertura das proposicións terá lugar o día hábil seguinte.

Documentación que deberán aporta-los licitadores: os documentos que figuran no prego de cláusulas administrativas particulares.

Anuncios: os anuncios do presente concurso público serán por conta do adxudicatario do contrato.

Vigo, 18 de abril de 1995.

Juan José Equiza Escuredo

Director xerente do Complexo Hospitalario

Xeral-Cíes de Vigo