Pola Orde do 29 de novembro de 1991 (DOG do 10 de decembro) nomeáronse funcionarios en prácticas do corpo de mestres os seleccionados no proceso selectivo convocado pola orde da Consellería de Educación e Ordenación Universitaria do 23 de abril de 1991 (DOG do 26) agás os mestres que aparecían no anexo da dita orde, por ter solicitado o aprazamento das prácticas.
Tendo en conta que os ditos mestres xa realizaron as prácticas e que foron avaliados polas comisións
establecidas para o efecto, procede declarar aptos na fase de prácticas estes opositores.
Na súa virtude, esta Consellería de Educación e Ordenación Universitaria,
DISPÓN:
Artigo 1º.-Declarar aptos na fase de prácticas e aprobados definitivamente no procedemento selectivo, convocado pola Orde do 23 de abril de 1991 (DOG do 26) os opositores que se relacionan no anexo desta orde.
Artigo 2º.-Os efectos administrativos da presente orde serán do 1 de setembro de 1993.
Santiago de Compostela, 5 de abril de 1995.
Juna Piñeiro Permuy
Conselleiro de Educación e Ordenación Universitaria
ANEXO
Adrán Valcarce, Sara Mª
Antas Ramos, José Luis
Piñeiro Pérez, Óscar Manuel
Pita López, Mª Dolores
Rodríguez Martínez, R. Ramón
Rodríguez Pérez, Javier
Sánchez Rey, Luis
Veiga Alen, Matilde